គ្រីស្តម៉ាសទាំងមូល Lisa ជូនកាដូចម្រៀង Cover មួយបទ បូកថែម MV ឡើងស្វីតដល់ហ្វេនៗ (មានវីដេអូ)

កូរ៉េខាងត្បូង៖ ដូចដែលប្រិយមិត្តបានជ្រាបហើយថា Lisa គឺជាសមាជិកម្នាក់របស់ក្រុមចម្រៀងនារីដ៏ល្បីឈ្មោះ BLACKPINK ដែលពូកែខាងបញ្ចេញក្បាច់រាំរស់រវើក ដោយរូបនាងមានប្រជាប្រិយភាពខ្លាំងណាស់ ព្រោះទើបតែបានក្លាយជាតារានៅអាស៊ីដំបូងគេបង្អស់ ដែលមានអ្នកតាមដាននៅលើ Instagram ចំនួន១០០លាននាក់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ឥឡូវនេះ ដើម្បីជាកាដូអរគុណដល់អ្នកគាំទ្រ ដែលបានស្រលាញ់ចូលចិត្តនិងគាំទ្រនាងគឺ Lisa បានទម្លាក់បទ Cover របស់ Britney Spears មួយបទមានចំណងជើងថា "My Only Wish" ដែលបានរួមជាមួយនឹងបទចម្រៀង MV ដែលនាងបានថតនៅទីក្រុងប៉ារីស ប្រទេសបារាំង ថែមទៀតផង។

ក្នុងវីដេអូនេះ គេបានឃើញថា Lisa ពិតជាបានបញ្ចេញមន្តស្នេហ៍តាមបែបស្រីទន់ភ្លន់ ដោយបានដើរលេង ទៅញ៉ាំអី ក៏ដូចជាជិះឡានក្រុង មើលទិដ្ឋភាពក្រុងប៉ារីសផងដែរ៕  

ប្រភព៖: allkpop

• រូបភាព
• តារាកូរ៉េ