មកមើលទីធ្លាផ្ទះ Kim Kardashian តុបតែងដើមឈើ ឡើងស្រស់ស្អាត

បរទេស៖ ក្រៅពីការបង្ហាញស្ទាយ៍ ក៏ដូចជាភាពស៊ីវីល័យក្នុងជីវិតប្រចាំថ្ងៃ ដែលធ្វើឲ្យហ្វេនៗជាច្រើន កំពុងចាប់អារម្មណ៍ ជាពិសេស ថ្មីៗនេះសម្រាប់តារាស្រី Kim Kardashian បានបង្ហាញពីការតុបតែងបុណ្យណូអែលឆ្នាំនេះ ពោរពេញដោយភាពស្រស់ស្អាត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តារាស្រី Kim Kardashian បានប្រែក្លាយទីធ្លាខាងក្រោយនៃវិមានតម្លៃ ៦០ លានដុល្លាររបស់ខ្លួន នៅទីក្រុង Los Angeles ដែលការរៀបចំនេះ ត្រូវបានប្រែក្លាយទៅជាតំបន់ដ៏អស្ចារ្យនារដូវរងា សម្រាប់ថ្ងៃឈប់សម្រាក។ មិនត្រឹមតែប៉ុណ្ណោះ តារាស្រីរូបនេះ បានចែករំលែកវីដេអូក្នុង Instagram Story ដែលបានបង្ហាញពីទ្រព្យសម្បត្តិពណ៌បៃតងខៀវស្រងាត់ រៀបចំដើមឈើ ដែលគ្របដណ្តប់ដោយព្រិលក្លែងក្លាយ នៅមុនបុណ្យណូអែលនាយប់ថ្ងៃសៅរ៍កន្លងទៅ។

ជាពិសេស ក្រោយពីបានឃើញហើយ ហ្វេនៗជាច្រើន ក៏បានសរសើរ ពីភាពស្រស់ស្អាត តែងភ្លើងភ្លឺចែងចាំង ក្នុងសួនច្បារ នៅលើដើមឈើ ដែលមើលទៅមានភាពស្រស់ស្អាត និងទាក់ទាញយ៉ាងខ្លាំង៕

ប្រភព៖ Pagesix

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ