ញាក់ កាដូបុណ្យណូអែលរបស់ Soy Senghour សង្ហាខ្នាតអឺរ៉ុប

កម្សាន្ត៖ កាលពីពេលថ្មីៗនេះ អ្នកលេងបណ្ដាញសង្គមនាំគ្នាចាប់អារម្មណ៍ទៅលើ Content Creator សយ សេងហួ ដែលលោកបានបង្ហោះរូបភាពនៅក្នុងថ្ងៃបុណ្យណូអែលជាមួយនឹងខេបសិនដ៏ទាក់ទាញ។ នៅក្នុងនោះ លោកបានបង្ហោះរូបជាមួយនឹងកម្លោះសង្ហារម្នាក់ ដែលអាចជាគូស្នេហ៍របស់ខ្លួន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស Senghour បានសរសេរថា ក’ដូរណូអែលឆ្នាំនេះ ដែលចង់បានន័យថា កាដូបុណ្យណូអែលឆ្នាំនេះ គឺជាកម្លោះបរទេសដ៏សង្ហារូបនេះឯង។ ក្រោយពីឃើញបែបនេះហើយ អ្នកលេងហ្វេសប៊ុកនាំគ្នាច្រណែននឹងរូបលោកជាខ្លាំង ដែលទទួលបានបុរសដ៏មានមន្ដស្នេហ៍ម្នាក់មកថែទាំងកាយទាំងបេះដូង។

មិនតែប៉ុណ្ណោះ មតិភាគច្រើននាំគ្នាសរសើរពីកាដូបុណ្យណូអែលឆ្នាំនេះរបស់ សេងហួរ ដែលវាជាកាដូដែលមនុស្សគ្រប់គ្នាប្រាថ្នា ហើយសូមជូនពរឲ្យកាដូមួយនេះ មើលថែ សេងហួរ បានរហូតតទៅរាល់ឆ្នាំ។ គួរបញ្ជាក់ផងដែរថា Soy Senghour គឺជាអ្នកបង្កើតវីដេអូម្នាក់ដ៏មានឈ្មោះល្បីល្បាញ ពិសេស លោកក៏បានបង្កើតវីដេអូកំប្លែងៗជាច្រើន សម្រាប់កម្សាន្តអារម្មណ៍អ្នកទស្សនា៕

ប្រភព៖ SOY SENGHOUR

• រូបភាព
• តារាខ្មែរ