Ariana ចេញមកបណ្ដើរគូស្នេហ៍ថ្មីយ៉ាងផ្អែមល្ហែម នៅថ្ងៃបុណ្យណូអែល ក្រោយលែងលះស្វាមី

អាមេរិក៖ ដូចដែលប្រិយមិត្តបានជ្រាបហើយថា តារាចម្រៀងស្រីល្បីឈ្មោះរបស់អាមេរិក Ariana Grande បានលែងលះអតីតស្វាមី Dalton Gomez ដាច់ស្រេចហើយ និងបានបង្ហាញមុខគូស្នេហ៍ថ្មីគឺលោក Ethan Slater ដែលជាតារាសម្ដែង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទោះមិនសូវជាបណ្ដើរគ្នាចេញមុខចេញមាត់ហូរហែក្ដី តែ Ariana និង Ethan ហាក់មានទំនាក់ទំនងផ្អែមល្ហែមណាស់ ដោយនាងថែមទាំងបានណែនាំគេទៅឲ្យឪពុកខ្លួនបានស្គាល់ទៀតផង។

ជាក់ស្ដែង កាលពីជិតបុណ្យណូអែលថ្មីៗកន្លងទៅនេះ គេបានប្រទះឃើញ Ariana បានចេញមកជាមួយនឹងឪពុករបស់នាង Ed Butera ព្រមទាំងមិត្តស្រីរបស់ឪពុក ដោយពួកគេបានទៅមើលការសម្ដែង "Spamalot" របស់ Ethan Slater ហើយបន្ទាប់ពីនោះ Ariana និង Ethan ក៏បានចេញដើរលេងជាមួយគ្នានៅទីក្រុង ញ៉ូវយ៉ក។

ក្នុងនោះនាងបានលេងស្ទាយ៍ឈុតខ្មៅទាំងអស់ មិនថារ៉ូបខ្លីត្រឹមភ្លៅបិទឡេវខាងមុខ ស្បែកជើងកែងពណ៌ខ្មៅ គូជាមួយនឹងមួករោមសត្វពណ៌ដូចគ្នាផងដែរ៕  

ប្រភព៖: pagesix

• រូបភាព
• តារាអន្តរជាតិ