Kylie បង្ហាញភាពផ្អែមល្ហែមជាមួយគូស្នេហ៍ Timothée នៅថ្ងៃបុណ្យគ្រីស្តម៉ាស

អាមេរិក៖ ដូចដែលប្រិយមិត្តបានជ្រាបហើយថា Kylie Jenner ដែលជាមហាសេដ្ឋីវ័យក្មេងម្នាក់របស់ពិភពលោក និងជាតារាអាមេរិកមួយរូបផងដែរនោះ បានចែកផ្លូវគ្នាជាមួយអតីតគូស្នេហ៍ Travis Scott ហើយក្រោយមានចំណងដៃបុត្រជាមួយគ្នាពីរនាក់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក គូស្នេហ៍ថ្មីរបស់នាងដែលជាតារាសម្ដែងប្រុស លោក Timothée Chalamet ក៏តែងតែចេញមកបង្ហាញភាពផ្អែមល្ហែមជាមួយ Kylie ជារឿយៗ មិនថាពេលទៅទស្សនាការប្រគុំតន្ត្រី ឬពេលចូលរួមកម្មវិធីនានា។

យ៉ាងណាមិញ កាលពីថ្ងៃបុណ្យគ្រីស្តម៉ាសទី២៥កន្លងទៅនេះ ត្រកូល Kardashian បានរៀបចំពិធីជប់លៀងមួយយ៉ាងធំ ដោយបានអញ្ជើញតារាៗជិតស្និទ្ធមកចូលរួមយ៉ាងគគ្រឹកគគ្រេង ដោយក្នុងនោះគេបានប្រទះឃើញ Kylie ក៏បានហៅ Timothée មកចូលរួមផងដែរ។

នៅក្នុងរូបភាពបង្ហោះដោយ Landon Barker ដែលជាកូនប្រុសរបស់ Travis Barker នោះគឺថតជាប់ Kylie កំពុងញញិមនិយាយគ្នាយ៉ាងផ្អែមល្ហែមជាមួយ Timothée Chalamet ប៉ុន្តែអ្នកទាំងពីរពុំបានថតរូបផ្លូវការណាមួយជាមួយគ្នានោះឡើយ ដែលបញ្ជាក់ថា ទំនាក់ទំនងពួកគេមិនទាន់ដល់ដំណាក់កាលស៊ីជម្រៅនោះឡើយ៕  

ប្រភព៖: pagesix

• រូបភាព
• តារាអន្តរជាតិ