Lee Sun-kyun តួសម្តែងរឿងដ៏ល្បី «Parasite» ប្រទះឃើញស្លា-»ប់ក្នុងរថយន្ត សង្ស័យជាករណី ធ្វើអ-»ត្តឃា-»ត

សេអ៊ូល៖ តារាសម្តែង Lee Sun-kyun នៃរឿង «Parasite» ដែលឈ្នះពានរង្វាន់អូស្ការ ត្រូវបានគេរកឃើញថា បានស្លាប់ នាថ្ងៃពុធទី២៧ ខែធ្នូ​​មុននេះបន្តិច ខណៈពេលដែលប្រឈមមុខនឹងការស៊ើបអង្កេតលើការសង្ស័យថាប្រើប្រាស់គ្រឿងញៀន។

ជាក់ស្តែង​តារាប្រុសវ័យ​ ៤០ឆ្នាំរូបនេះ របស់គាត់ត្រូវបានគេប្រទះឃើញសន្លប់នៅក្នុងឡាននៅឯឧទ្យានមួយនៅកណ្តាលទីក្រុងសេអ៊ូលនៅម៉ោង ១០:៣០ នាទីព្រឹក ហើយក្រោយមកប៉ូលីសបានកំណត់អត្តសញ្ញាណថា បុរសដែលបានស្លាប់នោះជា តារាសម្តែង Lee Sun-kyun​ ពិតប្រាកដមែន ដោយគេបានរកឃើញសារធាតុធ្យូងថ្មនៅក្នុងនោះផងដែរ ធ្វើឱ្យមានការសង្ស័យជាករណីធ្វើ​​​អត្តឃាត ដោយសារតែលោកបានបន្សល់ទុកនូវសំបុត្រអត្តឃាត នៅផ្ទះមុនពេលចាកចេញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

រំលឹកផងដែរថា Lee Sun-kyun​ បានឆ្លងកាត់ការសាកសួរបីប៉ូលីសចំនួនបីជុំ លើការសង្ស័យនៃការប្រើប្រាស់កញ្ឆា និងថ្នាំញៀនខុសច្បាប់ផ្សេងទៀតនៅផ្ទះរបស់នារីបម្រើការងារនៅបារលំដាប់អភិជនក្នុងសង្កាត់ Gangnam នៃទីក្រុងសេអ៊ូល ប៉ុន្តែលោកបានច្រានចោល និងស្រាយបំភ្លឺថា លោកគិតថាថ្នាំទាំងនោះជាថ្នាំងងុយគេង៕

ប្រភព៖ en.yna.co.kr

• គ្រោះថ្នាក់អាយុជីវិត