YG ប្រកាសហើយថា សមាជិក BLACKPINK អត់បន្តកុងត្រាថ្មីទេ បើគិតលើសកម្មភាពទោល

កូរ៉េខាងត្បូង៖ នាមុននេះបន្តិច ផលិតកម្ម YG Entertainment បានប្រកាសថា សមាជិកក្រុមចម្រៀងនារី BLACKPINK រួមមាន Jisoo, Jennie, Rose និង Lisa នឹងមិនបន្តកុងត្រាថ្មីជាមួយផលិតកម្មទេ ពាក់ព័ន្ធនឹងសកម្មភាពទោល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែចំពោះសកម្មភាពក្រុមទាំងមូលគឺ សមាជិកទាំងបួនបានព្រមព្រៀងបន្តកុងត្រារួចមកហើយ គឺមានន័យថា YG នឹងទទួលខុសត្រូវលើការផលិតបទចម្រៀងជាក្រុមសម្រាប់ BLACKPINK និងការងារផ្សព្វផ្សាយជាក្រុម ប៉ុន្តែបើគិតជាការងារបែបសមាជិកទោលវិញគឺអត់នោះទេ។

ថ្មីៗនេះ Jennie ក៏បានប្រកាសដែរថានាងបានបើកផលិតកម្មផ្ទាល់ខ្លួនមួយឈ្មោះថា ODDATELIER ដែលគេសង្ស័យថា នាងនឹងផ្សព្វផ្សាយសកម្មភាពទោលរបស់ខ្លួនក្រោមទ្រនំផលិតកម្មនេះ ខណៈដែល Lisa ត្រូវគេរំពឹងទុកថានឹងចុះកុងត្រាជាមួយផលិតកម្មលំដាប់ហូលីវូដ ហើយ Jisoo វិញគឺចង់ផ្ដោតលើការសម្ដែងជាតារា៕  

ប្រភព៖: allkpop

• រូបភាព
• តារាកូរ៉េ