កូរ៉េខាងត្បូងនឹងដាក់ឱ្យដំណើរការទិដ្ឋាការ «digital nomad» ដែលអាចឲ្យជនបរទេសស្នាក់នៅបានដល់ទៅ ​២ ឆ្នាំ

សេអ៊ូល៖ ប្រទេសកូរ៉េខាងត្បូងនឹងចាប់ផ្តើមចេញទិដ្ឋាការមានឈ្មោះថា «digital nomad» ចាប់ពីថ្ងៃទី ១ ខែមករា ដែលនឹងអនុញ្ញាតឱ្យជនបរទេសមួយចំនួនស្នាក់នៅរហូតដល់ ២ ឆ្នាំ។

តាមរយៈក្រសួងយុត្តិធម៌បាននិយាយថា ដើម្បីផ្តល់ភាពកាន់តែងាយស្រួលក្នុងការស្នាក់នៅបំពេញការងារ ឬដំណើរកម្សាន្តវិស្សមកាលរបស់ជនបរទេសនៅក្នុងប្រទេសកូរ៉េមានភាពរលូន យើងបានសម្រេចចិត្តដាក់ឱ្យដំណើរការទិដ្ឋាការ «digital nomad» ដោយលើកឡើងពីការកើនឡើងនៃនិន្នាការ «ការងារ» របស់បុគ្គលិកបរទេស។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមប្រភពដដែលបានបញ្ជាក់ថា អ្នកដែលចង់ដាក់ពាក្យត្រូវតែបញ្ជូនឯកសារទៅស្ថានទូតកូរ៉េខាងត្បូងក្នុងប្រទេសរៀងៗខ្លួន ដើម្បីបញ្ជាក់ថាពួកគេទទួលបានប្រាក់ចំណូលប្រចាំឆ្នាំលើសពី ៨៤.៩៦ លានវ៉ុន (៦៥.៦៣០ ដុល្លារអាមេរិក) ។ តួលេខនេះគឺទ្វេដងនៃប្រាក់ចំណូលជាតិសរុបរបស់កូរ៉េខាងត្បូងសម្រាប់មនុស្សម្នាក់គិតត្រឹមឆ្នាំ ២០២២ ដែលមានចំនួន ៤២.៤៨ លានវ៉ុន។

បេក្ខជនត្រូវដាក់ឯកសារបន្ថែម រួមទាំងការផ្ទៀងផ្ទាត់ការងារ និងព័ត៌មានលម្អិតនៃកំណត់ត្រាព្រហ្មទណ្ឌណាមួយ។ពួកគេត្រូវបានគេតម្រូវឱ្យកាន់ការធានារ៉ាប់រងសុខភាពឯកជនជាមួយនឹងការធានារ៉ាប់រងយ៉ាងហោចណាស់ ១០០ លានវ៉ុន ដើម្បីធានាលទ្ធភាពក្នុងការធ្វើដំណើរត្រឡប់ទៅផ្ទះវិញក្នុងគ្រាមានអាសន្ន។ មិនត្រឹមតែប៉ុណ្ណោះ បេក្ខជនក៏ត្រូវតែមានអាយុ ១៨ ឆ្នាំ ឡើងទៅ ហើយបានធ្វើការក្នុងវិស័យបច្ចុប្បន្នរបស់ពួកគេយ៉ាងហោចណាស់មួយឆ្នាំផងដែរ៕

ប្រភព៖ straitstimes