អគ្គិភ័យឆាបឆេះរោងចក្រ មួយកន្លែង​ នៅខណ្ឌដង្កោ ប្រេីប្រាស់ឡានទឹក ៨ គ្រឿង ឆេះម៉ូតូចំនួន ៣០គ្រឿង

ភ្នំពេញ​៖​ មានករណីអគ្គិភ័យឆាបឆេះរោងចក្រកាត់ដេរ មួយកន្លែង​ បានបង្កការភ្ញាក់ផ្អេីលជាខ្លាំងដល់បងប្អូនប្រជាពលរដ្ឋហៅរថយន្តពន្លត់អគ្គិភ័យចេញជួយអន្តរាគមន៍ផងដែរ។ ហេតុការណ៍​នេះបានកេីតឡេីងនៅវេលាម៉ោង​ ១១និង៥០នាទី ថ្ងៃទី០២ ខែមករា ឆ្នាំ២០២៤​ មានករណីអគ្គិភ័យ​ មួយ​កន្លែងកើតឡើងនៅចំណុចរោងចក្រកាត់ដេរ ផ្លូវបេតុង ភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ​។

លោកវរសេនីយ៍ឯក​ ព្រហ្ម​ យ៉ន​ នាយការិយាល័យនគរបាលបង្ការពន្លត់អគ្គិភ័យ​ និងសង្គ្រោះ​ នៃស្នងការដ្ឋាននគរបាលរាជធានីភ្នំពេញ​ បានប្រាប់ថា​ ក្រោយពីទទួលបានលេខទូរស័ព្ទរបស់បងប្អូនប្រជាពលរដ្ឋភ្លាម​ លោកបានបញ្ជាទៅរថយន្តពន្លត់អគ្គិភ័យនៅគោលដៅ​ ធ្វេីការចេញរថយន្តជួយអ​ន្តរាគមន៍ភ្លាមៗផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោកវរសេនីយ៍ឯក​ ព្រហ្ម​ យ៉ន​ នាយការិយាល័យនគរបាលបង្ការពន្លត់អគ្គិភ័យ​ និងសង្គ្រោះ​ បានបន្តថា​ ហេតុការណ៍​អគ្គិភ័យឆាបឆេះខាងលេីនេះ ត្រូវបានកម្លាំងជំនាញបានធ្វេីការអន្តរាគមន៍បាញ់ពន្លត់ឲ្យរលត់ទាំងស្រុងនៅវេលាម៉ោង​ ១២និង៥០នាទីនាថ្ងៃខែឆ្នាំដដែរ​។ ដោយក្នុងនោះប្រើប្រាស់រថយន្តរបស់ការិយាល័យនគរបាលបង្ការពន្លត់អគ្គិភ័យ និងសង្គ្រោះ​ នៃស្នងការដ្ឋាននគរបាលរាជធានីភ្នំពេញ ចំនួន០៦គ្រឿង ប្រេីប្រាស់ទឹកអស់ចំនួន០៧ឡាន ស្មើរនឹង២៨ម៉ែត្រគូប និងរថយន្តជំនួយមកពីក្រុមហ៊ុន ស្រាបៀរកម្ពុជាចំនួន០១គ្រឿង ប្រើប្រាស់ទឹកអស់០១ឡាន ស្មើរនឹង០៦មែត្រគូប។

លោកវរសេនីយ៍ឯក​ ព្រហ្ម​ យ៉ន​ បានបន្តទៀតថា​ ចំពោះមូលហេតុខាងលេី​ គឺបណ្តាលមកពីការឆ្លងកម្តៅចេញពីឡដុតចំហាយបង្កជាអគ្គិភ័យ ហេីយអគ្គិភ័យនេះធ្វើឲ្យខូចខាតសំយាបដំបូលដែកប្រកស័ង្កសី ទំហំ (៥ម៉ែត្រ x ២០ម៉ែត្រ) អស់មួយចំហៀង រួមទាំងម៉ូតូចំនួន ៣០គ្រឿង និងឡដុតចំហាយចំនួន០១ឡ និងពុំបានឆេះរាលដាលដល់ផ្ទះអ្នកជិតខាងឡើយ៕

ប្រភព៖ ការិយាល័យបង្ការពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ