អបអរផង តារា Kpop រូបនេះ ស្រាប់តែប្រកាសមានផ្ទៃពោះ ធ្វើឲ្យហ្វេនភ្ញាក់ផ្អើលពេញអ៉ិនធើណែត

កម្សាន្ត៖ កាលពីពេលថ្មីៗនេះ តារាចម្រៀង Kpop ដែលជាជនជាតិជប៉ុន Yukika Teramoto ដែលនាងក៏ជាតារាសម្ដែងដ៏ល្បីល្បាញមួយរូប បានប្រកាសដំណឹងមានផ្ទៃពោះកូនដំបូងជាមួយស្វាមី ធ្វើឲ្យហ្វេនមានការភ្ញាក់ផ្អើលនិងចូលរួមអបអរគ្រប់ៗគ្នា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាស្រីរូបនេះ បានប្រកាសនៅក្នុងគណនី Instagram របស់នាងថា នាងនិង​ស្វាមីកំពុងតែទន្ទឹងរង់ចាំកូនដំបូងរបស់ពួកគេ។ គួរបញ្ជាក់ផងដែរថា កាលពីខែធ្នូ ឆ្នាំ២០២៣កន្លងទៅនេះ Yukika បានចេញអាល់ចម្រៀងដែលធ្វើឡើងវិញ ហើយនាងបានប្រាប់ថា វាអាចជាអាល់ប៊ុមចុងក្រោយរបស់នាង ព្រោះនាងមិនទាន់ច្បាស់ទេថា តទៅមុខជីវិតនាងទៅជាយ៉ាងណា។

ជាមួយគ្នានេះដែរ Yukika ចាប់ផ្ដើមអាជីពជាតារាចម្រៀងតាំងពីឆ្នាំ២០០៦មកម្ល៉េះនៅប្រទេសជប៉ុន ក្រោយមកនាងត្រូវបានហ្វេន Kpop ស្គាល់ច្រើនតាមរយៈការបង្ហាញខ្លួនក្នុងកម្មវិធី The Idolmaster KR and Mixnine ដែលនាងទទួលបានការគាំទ្រយ៉ាងខ្លាំងពីអ្នកគាំទ្រនៅកូរ៉េ។

ក្រោយពីទទួលបានប្រជាប្រិយភាព Yukika ក៏បានក្លាយជាតារាចម្រៀងនៅកូរ៉េ ដែលនាងចេញចម្រៀងនៅឆ្នាំ២០០៩​ រហូតមកដល់២០២២ នាងក៏បានចាកចេញពីផលិតកម្ម ហើយនៅខែមីនា ឆ្នាំ២០២៣ នាងបានរៀបការជាមួយស្វាមី លោក Kim Min Hyuk ដែលជាតារាចម្រៀង Kpop អតីតសមាជិកក្រុម MAP6៕

ប្រភព៖ Koreaboo

• រូបភាព
• តារាកូរ៉េ