មិននៅក្រោម YG ពេលចេញកម្មវិធី Jennie តែងខ្លួនស្ទាយ៍បែប CEO សម័យថ្មី

កម្សាន្ត៖ កាលពីថ្មីៗនេះ Jennie បានធ្វើឲ្យអ្នកលេងបណ្ដាញសង្គមមានការចាប់អារម្មណ៍ជាខ្លាំងទៅលើការតុបតែងខ្លួនរបស់នាង ដែលនាងបង្ហាញខ្លួនជាភ្ញៀវកិត្តិយសនៅក្នុងកម្មវិធី Lee Hyori's Red Carpet។ បើទោះបីជាកម្មវិធីនេះ មិនទាន់បានចាក់បញ្ចាំងក៏ពិតមែន ប៉ុន្ដែដំណឹងដែល Jennie ចូលរួមបានធ្វើឲ្យកក្រើកបាត់ទៅហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស គេបានដឹងថា តារាចម្រៀងរូបនេះ ស្លៀកសម្លៀកបំពាក់ស្ទាយ៍យ៉ាងណាហើយ តាមរយៈទស្សនិកជនដែលចូលរួមទស្សនាកម្មវិធីដែលគេថតទុកមុននេះ។ នៅក្នុងនោះ Jennie បង្ហាញសម្រស់ជាមួយឈុតខ្លីពណ៌ស ដែលមានសម្អដោយប៉ាក់រហូតដល់ចុងជើង មានភាពទាក់ទាញមែនទែន។

អ្វីដែលធ្វើឲ្យអ្នកគាំទ្រកាន់តែប្លែកអារម្មណ៍ទៀតនោះគឺ ការតែងខ្លួនលើកនេះ មិនមែនជាការរៀបចំរបស់ក្រុម Stylist របស់ផលិតកម្ម YG ទៀតនោះទេ ព្រោះចំពោះសកម្មភាព Solo វិញ Jennie ស្ថិតក្រោមផលិតកម្ម Oddatelier ដែលជាផលិតកម្មផ្ទាល់ខ្លួនរបស់រូបនាងតែម្ដង៕

ប្រភព៖ Koreaboo

• រូបភាព
• តារាកូរ៉េ