ចែកផ្លូវជាមួយ YG ហើយ Jennie បង្ហាញខ្លួនទោលលើកដំបូង លេងខ្លួនស្អាតដូចតុក្កតា

កូរ៉េខាងត្បូង៖ Jennie ដែលជាសមាជិកម្នាក់របស់ក្រុមចម្រៀងនារីល្បីឈ្មោះ BLACKPINK ទើបតែបានប្រកាសថានាងបានបើកផលិតកម្មផ្ទាល់ខ្លួនមួយមានឈ្មោះថា "ODDATELIER" ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ នាងមិនបន្តកុងត្រាជាមួយផលិតកម្ម YG Entertainment នោះឡើយបើគិតលើសកម្មភាពទោល ខណៈដែលសកម្មភាពក្រុមជាមួយ BLACKPINK គឺនៅបន្តជាធម្មតា។

យ៉ាងណាមិញ កាលពីម្សិលមិញថ្ងៃទី៣ខែមករាកន្លងទៅ Jennie ក៏បានបង្ហាញមុខលើកដំបូងជាសាធារណៈក្នុងកម្មវិធី 'The Seasons - Lee Hyori's Red Carpet.' បន្ទាប់ពីការប្រកាសបើកផលិតកម្មខ្លួនឯង ជាមួយនឹងស្ទាយ៍សម្លៀកបំពាក់ដ៏ស្រស់ស្អាតនិងទឹកមុខរីករាយជាខ្លាំង។

ក្នុងនោះ នាងបានស្លៀករ៉ូបរឹបរាងពណ៌ស មានផ្កាជាច្រើនកញ្ចុំតូចៗឌីហ្សាញនៅលើឈុត ដៃវាល គូជាមួយនឹងស្រោមជើងពណ៌សក្រឡាក្បាច់ មើលទៅស្រស់ស្រាយខ្លាំងមែនទែន។ បន្ថែមលើសពីនេះទៀត Jennie ក៏បានចងសក់ពាក់កណ្ដាលឡើងលើដោយចងបូគួរឲ្យស្រលាញ់ផងដែរ៕

ប្រភព៖: koreaboo

• រូបភាព
• តារាកូរ៉េ