ស្មោះស្ម័គ្រអស់ត្រឹម Yoona ហើយ នៅតែបន្ដកុងត្រាជាមួយផលិតកម្ម SM បាន១៨ឆ្នាំរាប់តាំងពី Debut

កូរ៉េខាងត្បូង៖ ថ្មីៗនេះ តារាចម្រៀងស្រីដ៏ល្បីល្បាញ Yoona ដែលជាសមាជិកក្រុម SNSD បានបន្ដកុងត្រាជាមួយផលិតកម្ម SM ជាលើកទី៣ រាប់តាំងពីពេល Debut មកម្ល៉េះ។ គួរបញ្ជាក់ផងដែរថា តារាស្រីរូបនេះ​ បានឈានជើងចូលសិល្បៈបង្ហាញខ្លួនដំបូងក្នុងឆ្នាំ២០០៧ ក្នុងក្រុម Girl Generation។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹងនោះ Yoona បានប្រើរយៈពេល១៧ឆ្នាំនៅក្នុងអាជីពជាតារាចម្រៀងនិងជាតារាសម្ដែងរបស់នាងនៅក្រោមផលិតកម្ម SM ហើយឈានចូលមកដល់ឆ្នាំថ្មីនេះ រូបនាងក៏នៅតែបន្ដស្មោះស្ម័គ្រជាមួយដំបូលចាស់ដ៏ដែល ដោយនាងបានបន្ដកុងត្រាដ៏ដែល។

ក្រឡេកមកមើលសកម្មភាពសិល្បៈ Yoona វិញ នៅដើមឆ្នាំ២០២៤នេះ​ រូបនាងនឹងធ្វើការជួបជុំជាមួយហ្វេន YOONITE តាមរយៈ fan meeting tour រហូតដល់ពាក់កណ្ដាលឆ្នាំ។ ជាមួយគ្នាដែរ តារាស្រីរូបនេះ នឹងបន្ដអាជីពក្នុងនាមជាតារាសម្ដែងស្រី បច្ចុប្បន្នរូបនាងកំពុងតែរងចាំការចាក់បញ្ចាំងរឿងភាគថ្មីរបស់ខ្លួន 2 O'Clock Date ៕

ប្រភព៖ allkpop

• រូបភាព
• តារាកូរ៉េ