មួយគូទៀតហើយ តារាស្រីកូរ៉េម្នាក់នេះ មានពាក្យចចាមអារ៉ាមទាក់ទងគ្នានឹងតារាបាល់ទាត់ម្នាក់

កូរ៉េខាងត្បូង៖ ព័ត៌មានចចាមអារ៉ាមនៃការទាក់ទងគ្នារវាង អតីតសមាជិករបស់ក្រុមចម្រៀង APRIL គឺ Naeun ជាមួយនឹងតារាបាល់ទាត់Lee Kang In មិនទាន់ស្ងាត់ផង ក៏ផ្ទុះពាក្យចចាមអារ៉ាមមួយទៀតថា សមាជិកក្រុម APRIL នេះដដែលគឺកញ្ញា Yena បានទាក់ទងគ្នាជាមួយនឹង កីឡាបាល់ទាត់ Seol Young Woo ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នកគាំទ្រចាប់់ផ្ដើមមានការចាប់អារម្មណ៍លើពួកគេទាំងពីរ បន្ទាប់ពីបានរកឃើញភ័ស្តុតាងអះអាងថាអ្នកទាំងពីរបានទាក់ទងគ្នាមែនគឺ ដោយសារពួកគេមានមួកដូចគ្នា និងស្រោមទូរស័ព្ទគូ។

មានគេបានឃើញ Yena បានចូលរួមទស្សនាការប្រកួតរបស់ Young Woo ផងដែរ ហើយតារាបាល់ទាត់រូបនេះក៏បានឲ្យគេប៉ាក់ឈ្មោះ " YENA " នៅកែងស្បែកជើងកីឡារបស់គេទៀតផង។

ភ្លាមៗបន្ទាប់ពីផ្ទុះព័ត៌មាននេះ ផលិតកម្ម Starbase បានប្រកាសថាពួកគេនឹងសួរនាំ Yena ពីរឿងនេះខណៈដែល ខាងក្លិប Ulsan HD ដែល Young Woo បានលេងឲ្យបានស្រាយបំភ្លឺថា ពួកគេពុំដឹងអ្វីពីជីវិតឯកជនរបស់សមាជិកក្រុមនោះឡើយ៕  

ប្រភព៖: koreaboo

• រូបភាព
• តារាកូរ៉េ