ឡូយណាស់! BEAT THE BEST រដូវកាលថ្មី មានគណៈកម្មការគ្រប់ទំរង់ ចង់ជួបបេក្ខជនគ្រប់សំឡេង

កម្សាន្ត៖ ទីបំផុតកម្មវិធីប្រឡងចម្រៀងលំដាប់ពិភពលោកដ៏មានប្រជាប្រិយភាព BEAT THE BEST មានអ្នកទស្សនារាប់លាននាក់ ដែលហង្សមាសទិញសិទ្ធិមកផលិត បានវិលត្រឡប់មកសារជាថ្មីក្នុងរដូវកាលទី២ បន្ទាប់ពីរដូវកាលទី១ ទទួលបាននូវការគាំទ្រយ៉ាងខ្លាំង។ ក្នុងរដូវកាលទី២ នេះកំពូលកម្មវិធីប្រឡងចម្រៀងដ៏ល្បីល្បាញនេះ បាននាំយកកំពូលគណៈកម្មការដ៏មានប្រជាប្រិយភាពចំនួន ៤រូប ដើម្បីស្វែងរកអ្នកដែលមានសំឡេងល្អមក BEAT ជាមួយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កំពូលគណៈកម្មការពោរពេញដោយបទពិសោធចំនួន ៤រូប រួមមាន៖ លោក ឆន សុវណ្ណារាជ, អ្នកនាង ពេជ្រ សោភា, កញ្ញា ផន ស្រីខួច និងអ្នកនាង សួស វីហ្សា។ គណៈកម្មការទាំង ៤រូបកំពុងរង់ចាំបេក្ខជនមកពីគ្រប់ទិសទីដែលមានសំឡេងល្អ ប៉ុន្តែមិនទាន់មានឱកាសបង្ហាញ។ ក្នុងនោះលោក ឆន សុវណ្ណារាជ ចង់ BEAT ជាមួយបេក្ខជនដែលមានសំឡេងគ្រប់ទម្រង់ គ្រប់ប្រភេទ។ អ្នកនាង ពេជ្រ សោភា ចង់ BEAT ជាមួយបេក្ខជន ដែលអាចរ៉េបបាន, កញ្ញា ផន ស្រីខួច ចង់ BEAT ជាមួយបេក្ខជនបែបចម្រៀង POP។ រីឯអ្នកនាង សួស វីហ្សា ចង់ BEAT ជាមួយបេក្ខជនច្រៀងចម្រៀង Rock។

BEAT THE BEST រដូវកាលទី២ នេះចាប់ផ្ដើមទទួលពាក្យចាប់ពីពេលនេះតទៅ ហើយអ្នកដែលមានសំឡេងល្អជាងគេ មានប្រជាប្រិយភាពជាងគេ នឹងមានឱកាសទទួលបានប្រាក់រង្វាន់រហូត ២ ៤០០០ដុល្លារ និងក្លាយជាតារាចម្រៀងពេញសិទ្ធិរបស់ផលិតកម្មរស្មីហង្សមាស។

ដូច្នេះសូមត្រៀមខ្លួនទាំងអស់គ្នា! យកសំឡេងដ៏ល្អរបស់អ្នក មក BEAT ជាមួយកំពូលគណៈកម្មការទាំង៤ មិនថាអ្នកមានសំឡេងទំរង់ប្រភេទណា គណៈកម្មការដ៏ឆ្នើមទាំង ៤រូប កំពុងរង់ចាំទទួលស្វាគមន៍អ្នកទាំងអស់គ្នាមកកាន់ កម្មវិធីប្រឡងចម្រៀងកម្រិតពិភពលោក Beat The Best រដូវកាលទី២។  រួសរាន់ដាក់ពាក្យមកឥឡូវនេះ ដោយគ្រាន់តែថតសំឡេងខ្លួនឯងច្រៀងផ្ទាល់ជាវីដេអូឃ្លីប រួចផ្ញើមកកាន់ Telegram ដែលមានលេខទូរស័ព្ទ 099 471 221 តែមួយគត់៕

• រូបភាព