ករណីអគ្គិភ័យឆេះផ្ទះ​ប្រជាពលរដ្ឋ​អស់​ចំនួន០៣ខ្នង សរុប​គិត​ជា​ទឹក​ប្រាក់​ប្រមាណ​ ២០លាន​ រៀល​ និង​ប្រាក់​ដុល្លារ​ចំនួន​ ៣០ម៉ឺនដុល្លារ

កណ្តាល៖ កាលពីថ្ងៃព្រហស្បតិ៍ ៨ រោច ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៤ ខែមករា ឆ្នាំ២០២៤ វេលាម៉ោង ០៣:២០ នាទីទៀបភ្លឺ មានករណីអគ្គិភ័យឆាបឆេះផ្ទះ​ប្រជាពលរដ្ឋ​អស់​ចំនួន០៣ខ្នង ដែលស្ថិតក្នុងភូមិកំពង់ចម្លង ឃុំព្រែកទន្លាប់ ស្រុកលើកដែក ខេត្តកណ្តាល​ ។

តាមប្រភពខាងលើបានបញ្ជាក់ថា ម្ចាស់ផ្ទះរងគ្រោះទី១​ ឈ្មោះ ឡាច ជរ ភេទ​ ប្រុស អាយុ​ ៦២​ ឆ្នាំ ជនជាតិ​ ខ្មែរ មុខរបរ​ លក់ដូរ មានទីលំនៅភូមិឃុំកើតហេតុខាងលើ ដែលផ្ទះសង់អំពីឈើដំបូលប្រក់ស័ង្កសីជញ្ជាំងសង្ក័សីមានទំហំ ០៥x៥០​ ម៉ែត្រ ឆេះខូចខាតទាំងស្រុង​ សរុបគិតជាទឹកប្រាក់ប្រមាណ​ ២០,០០០,០០០​ រៀល និងប្រាក់ដុល្លារចំនួន ៣០០,០០០​ ដុល្លារ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចំណែកម្ចាស់ផ្ទះរងគ្រោះទី២​ ឈ្មោះ ហាំង សេងហុង ភេទ​ ប្រុស អាយុ​ ៥២​ ឆ្នាំ ជនជាតិ​ ខ្មែរ មុខរបរ​ លក់ដូរ មានទីលំនៅភូមិឃុំកើតហេតុខាងលើ ដែលផ្ទះសង់អំពីថ្មដំបូលប្រក់ស័ង្កសីជញ្ជាំងសង្ក័សីមានទំហំ ៥,៨ម៉ែត្រ x ២០ម៉ែត្រ ឆេះខូចខាតពិដានជំហៀងខាងត្បូងប្រវែង១៥ម៉ែត្រ។

ឬឯម្ចាស់ផ្ទះរងគ្រោះទី៣​ ឈ្មោះ ឡុង នី ភេទ​ ប្រុស អាយុ​ ៦៩​ ឆ្នាំ ជនជាតិខ្មែរ មុខរបរលក់ដូរ មាន​ទីលំនៅភូមិឃុំកើតហេតុខាងលើ ដែលផ្ទះសង់អំពីថ្មដំបូលប្រក់ស័ង្កសីជញ្ជាំងសង្ក័សីមានទំហំ ០៦ម៉ែត្រ x ២០ម៉ែត្រ ឆេះខូចខាតជញ្ជាំងសង្ក័សីបាំងជញ្ជាំង។

ចំពោះមូលហេតុ ត្រូវបានឲ្យដឹងថា វាបណ្តាលមកពីឆ្លងចរន្តអគ្គិសនី បានធ្វើឲ្យកង​កម្លាំង​នគរបាល​បង្ការ​ពន្លត់​អគ្គិភ័យ​និង​សង្គ្រោះ​ បាន​ប្រេី​ប្រាស់​រថយន្តពន្លត់អគ្គិភ័យសរុបចំនួន០៦គ្រឿង៖

- រថយន្ត​ពន្លត់​អគ្គិភ័យ​ការិយាល័យបង្ការពន្លត់អគ្គិភ័យនៃស្នងការដ្ឋាននគរបាលខេត្តកណ្តាលចំនួន ០២ គ្រឿងប្រើប្រាស់ទឹកអស់ចំនួន​ ០២ រថយន្ត​ ស្មើ ១៧ ម៉ែត្រគូប។

- រថយន្តពន្លត់អគ្គិភ័យរបស់អធិការដ្ឋានស្រុកលើកដែកចំនួន ០២ គ្រឿង ប្រើប្រាស់ទឹកអស់​ចំនួន​ ០២ ឡាន ស្មើ ១៤ ម៉ែត្រគូប។

- រថយន្តពន្លត់អគ្គិភ័យរបស់អធិការដ្ឋានស្រុកកៀនស្វាយ ចំនួន ០១ គ្រឿង ប្រើប្រាស់ទឹកអស់​ចំនួន​ ០១ រថយន្ត​ ស្មើ ០៧ ម៉ែត្រគូប។

- រថយន្តពន្លត់អគ្គិភ័យរបស់អធិការដ្ឋានស្រុកពាមរក៍ នៃស្នងការដ្ឋាននគរបាលខេត្តព្រៃវែងចំនួន ០១ គ្រឿង ប្រើប្រាស់ទឹក ០១ រថយន្ត​ ស្មើ ០៧ ម៉ែត្រគូប។

-​ ដោយកម្លាំងសមត្ថកិច្ចសហការជាមួយអាជ្ញាធរភូមិ/ឃុំ ប្រជាការពារ និងប្រជាពលរដ្ឋបានជួយពន្លត់និងរលត់ជាស្ថាពរនៅវេលាម៉ោង ០៥:០០ នាទី​ទៀប​ភ្លឺ​ នា​ថ្ងៃ​ខែ​ឆ្នាំ​ដដែល​។

-​ ករណីខាងលើនេះមិនបណ្ដាលឲ្យគ្រោះដល់អាយុជីវិតមនុស្សឡើយ។

ប្រភព៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ