គ្រាន់តែបែកធ្លាយទាក់ទងគ្នាភ្លាម គូស្នេហ៍តារា Kpop និង កីឡាបាល់ទាត់ដ៏ល្បីទាំង២គូ ចែកផ្លូវគ្នាវិញ ​

កម្សាន្ត៖ ក្រោយពីផ្ទុះដំណឹងពាក្យចចាមអារាមចំពោះទំនាក់ទំនងស្នេហារវាងតារាចម្រៀង​ Kpop ស្រី២នាក់ និង កីឡាករបាល់ទាត់ដ៏ល្បីល្បាញ២រូប បានធ្វើឲ្យមហាជនមានការចាប់អារម្មណ៍ជាខ្លាំង។ គេបានដឹងថា Lee Naeun ដែលជាតារាសម្ដែងស្រី និងកីឡាករជម្រើសជាតិ Lee Kangin គឺជាគូទី១ដែលគេចាប់បានថាណាត់ជួបគ្នា។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចំណែកឯ គូបន្ទាប់គឺ តារាស្រី Yang Yena អតីតសមាជិកក្រុម April ជាមួយនឹងកីឡាករបាល់ទាត់ Seol Young Woo ដែលពួកគេទាំងពីរត្រូវបានគេរកឃើញថាពិតជាទាក់ទងគ្នាមែន។ ដោយឡែក គ្រាន់តែដំណឹងនៃទំនាក់ទំនងពួកគេបែកធ្លាយចេញទៅក្រៅភ្លាម បែរជាគូស្នេហ៍ទាំង២ចែកផ្លូវគ្នាភ្លែតតែម្ដង។

បើយោងតាមប្រភពព័ត៌មានបានឲ្យដឹងថា រូបភាព ដែលពួកអ្នកកាសែតថតបាននោះ គឺជារូបភាពពួកគេតាំងពីខែវិច្ឆិកាឆ្នាំមុនម្ល៉េះបច្ចុប្បន្នពួកគេលែងមានទំនាក់ទំនងអ្វីទៀតហើយ។ រីឯ ខាងក្រុមហ៊ុនរបស់តារាស្រី Lee Naeun បានចេញមុខបដិសេធរឿងនេះ ហើយចំពោះ Yena វិញ ខាងក្រុមហ៊ុននាងនិយាយថា មិនអាចនិយាយរឿងជីវិតឯកជនរបស់នាងបានទេ៕

ប្រភព៖ allkpop

• រូបភាព
• តារាកូរ៉េ