Jennie ទម្លាយថា នាងចង់មានសេរីភាព ទើបធ្វើឲ្យនាងមានកម្លាំងចិត្តបើកក្រុមហ៊ុនខ្លួនឯង

កម្សាន្ត៖ ថ្មីៗនេះ តារាចម្រៀងស្រីដ៏មានឥទ្ធិពល Jennie បានធ្វើឲ្យអ្នកលេងបណ្ដាញសង្គមមានការចាប់អារម្មណ៍ជាខ្លាំង ជាមួយនឹងវត្តមានរបស់នាងនៅក្នុងកម្មវិធីមួយរបស់ Lee Hyori ដែលជាតារាចម្រៀងស្រីជើងចាស់។ នៅក្នុងកម្មវិធីនោះ​ រូបនាងបាននិយាយអំពីមូលហេតុដែលធ្វើឲ្យខ្លួនសម្រេចចិត្តបើកផលិតកម្ម OA នេះឡើង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ Jennie បានប្រាប់ថា នាងនៅតែបន្ដសកម្មភាពជាក្រុមជាមួយ YG ដែលជាកន្លែងចាប់ផ្ដើមអ្វីៗគ្រប់យ៉ាងរបស់នាង ចំណែកឯ ការបើកផលិតកម្មខ្លួនឯងនេះវិញ រូបនាងបានទម្លាយថា ខ្លួនចង់មានសេរីភាពក្នុងការ ប្រូម៉ូតខ្លួនឯង ពោលគឺដូចជាការចេញមុខក្នុងកម្មវិធីផ្សេងៗ ការសហការច្រៀងចម្រៀងជាមួយតារាផ្សេងៗជាដើម។

មិនតែប៉ុណ្ណោះ Jennie បានប្រាប់ទៀតថា ក្រុមការងារនៅក្នុងផលិតកម្ម ODDATELIER នេះ សុទ្ធតែជាមនុស្សដែលនាងទុកចិត្ត និង មនុស្សស្និទស្នាលនឹងនាងដូចជាគ្រួសារតែមួយ។​ ចុងក្រោយ តារាស្រីរូបនេះ បានសុំឲ្យអ្នកគាំទ្រជួយគាំទ្ររូបនាងផង ដែលនាងទើបនឹងចេញប្រលោកក្នុងការដឹកនាំក្រុមហ៊ុនដំបូង៕

ប្រភព៖ allkpop

• រូបភាព
• តារាកូរ៉េ