ភរិយា Jay Chou ចេញមកបដិសេដ រឿងចោទប្រកាន់ស្វាមីថា ក្បត់ចិត្ត

កម្សាន្ត៖ តារាម៉ូដែល Hannah Quinlivan ដែលត្រូវបានគេស្គាល់ថា ជាភរិយារបស់តារាចម្រៀងប្រុស លោក Jay Chou បានបដិសេធ ពីការបង្ហោះអត្ថបទ ចោទប្រកាន់ស្វាមីរបស់ខ្លួន ថាមានពុតត្បុត និងផិតក្បត់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ យោងតាមប្រភព ​​Sinchew បានរាយការណ៍ពី គណនីមួយដែលត្រូវបានគេជឿថា ជាគណនីរបស់ភរិយាលោក Jay Chou បានបង្ហោះអត្ថបទ ចោទប្រកាន់តារាចម្រៀងប្រុសរូបនេះ ថាមានទំនាក់ទំនងស្នេហា និងធ្វើបាបមិត្តរបស់ខ្លួន។ ក្នុងនោះដែរ អត្ថបទមួយនេះ បានលើកឡើងថា លោក Jay Chou គួរតែលុបមុខដែលលាក់ពុតរបស់ខ្លួនចេញ ខណៈពេលដែលសង្កត់ធ្ងន់ថា ភាពងងឹតមិនអាចគ្របដណ្តប់ផែនដីទាំងមូលបានទេ។ ប៉ុន្តែ ប៉ុន្មាននាទីបន្ទាប់ពីការបង្ហោះ អត្ថបទនេះ ក៏ត្រូវបានលុបចេញ។

យ៉ាងណាមិញ ស្របពេលដែលប្រឈម​មុខ​នឹង​ការ​បញ្ចេញ​មតិ​ពី​សាធារណជន ភរិយា លោក Jay Chou ដែលជាតារាម៉ូដែលស្រី Hannah Quinlivan បាន​បដិសេធ​ ការ​លើក​ឡើង​នេះ​ នៅ​រសៀល ​ថ្ងៃ​ទី​៤ ខែ​មករាកន្លងទៅ ដោយនាងបាននិយាយថា មានមនុស្សបានបង្កើត Weibo ក្លែងបន្លំធ្វើជានាង ដើម្បីបង្ហោះ ហើយនាងនឹងស្វែងរក ចាត់វិធានការផ្លូវច្បាប់។

មិនត្រឹមតែប៉ុណ្ណោះ ក្រុមហ៊ុនគ្រប់គ្រងរបស់ លោក Jay Chou ក៏បានបង្ហោះឡើងវិញ នូវអត្ថបទរបស់ Hannah Quinlivan ផងដែរ។ ហើយជាមួយគ្នានេះ តារាចម្រៀងប្រុសរូបនេះ ក៏បានបង្ហោះរូបថតគូស្វាមីភរិយា អំឡុងពេលធ្វើដំណើរកម្សាន្តទៅទីក្រុងឡុងដ៍ ដើម្បីបដិសេធពាក្យចចាមអារ៉ាមទាំងស្រុង៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន