ស្ងាត់ៗ Lisa មានពាក្យចចាមអារ៉ាមថានឹងចូលសម្ដែងរឿងបែបហូលីវូដមួយនេះ

អាមេរិក៖ បន្ទាប់ពីប្រកាសមិនបន្តកុងត្រាថ្មីលើសកម្មភាពទោលជាមួយផលិតកម្ម YG Entertainment រួចមកគឺ Lisa ដែលជាសមាជិកម្នាក់របស់ BLACKPINK ហាក់ស្ងាត់បាត់ដំណឹង មិនសូវលេចមុខក្នុងកម្មវិធីនានាដូចមុន ប៉ុន្តែឥទ្ធិពលនិងភាពល្បីរន្ទឺរបស់នាងនៅតែមាន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ឥឡូវនេះស្រាប់តែមានពាក្យចចាមអារ៉ាមមួយបានចុះផ្សាយថា Lisa កំពុងតែឆ្លងកាត់ការធ្វើតេស្តចូលសម្ដែងក្នុងខ្សែស្រឡាយរឿងភាគបែបហ្ស៊មប៊ីមួយ ដែលមានឈ្មោះថា "The Walking Dead: Daryl Dixon" ។

ខណៈនោះដែរ Vogue Thailand ក៏ដូចជា Elle Hong Kong បានចុះផ្សាយថា មានភាគរយខ្ពស់ដែល Lisa នឹងចូលរួមសម្ដែងក្នុងរឿងនេះ ព្រោះនាងបានធ្វើដំណើរទៅមក សេអ៊ូល - ប៉ារីស ជាញឹកញាប់។

ហើយកាលពីខែធ្នូឆ្នាំ២០២៣កន្លងទៅនេះ Lisa ក៏ត្រូវបានគេប្រទះឃើញថាបានទៅមើលការប្រកួតបាល់ទាត់ក្របខណ្ឌ Champion League រវាង Paris Saint-Germain និង Newcastle United ផងដែរ ជាមួយនឹងតួសម្ដែងក្នុងខ្សែស្រឡាយ The Walking Dead នេះមានឈ្មោះថា Norman Reedus ទៀតផង៕  

ប្រភព៖: allkpop

• រូបភាព
• តារាកូរ៉េ