រូបភាពថ្មី Jimin និង Jungkook ក្នុងឈុតទាហាន នៅតែជះរាងសង្ហាខ្លាំង

កូរ៉េខាងត្បូង៖ អ្នកគាំទ្រនាំគ្នារំភើបពេលឃើញរូបថតបែកធ្លាយរបស់ Jimin និង Jungkook ដែលជាសមាជិករបស់ក្រុមចម្រៀងបុរសដ៏ល្បីឈ្មោះរបស់ KPOP គឺ BTS ដែលមើលទៅពួកគេពិតជាមានភាពរីករាយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីថ្ងៃទី១២ខែធ្នូកន្លងទៅនេះ Jungkook និង Jimin បានចូលហាត់ទាហានជាផ្លូវការ ដែលកន្លែងពួកគេត្រូវទៅហាត់និងស្នាក់នៅនោះគឺតំបន់ Yeoncheon ខេត្ត Gyeonggi។

អ្នកទាំងពីរបានថតរូបជាមួយទាហានដទៃទៀតបន្ទាប់ពីបញ្ចប់ការបិទវគ្គ CBR ជាផ្នែកមួយនៃការហាត់ទាហាន ពាក់ព័ន្ធនឹងការត្រៀមខ្លួនទប់ទល់នឹងសារធាតុពុលឬផ្សែងនានា។

នៅក្នុងរូបថតនេះ យើងឃើញថាទាំង Jimin និង Jungkook សុទ្ធតែបង្ហាញទឹកមុខរីករាយ ដែលធ្វើឲ្យមើលទៅពួកគេពិតជាអាចសម្របខ្លួនបាននឹងការរស់នៅបែបទាហានទៅហើយ៕  

ប្រភព៖: allkpop

• រូបភាព
• តារាកូរ៉េ