កាន់តែផ្អែមល្ហែម Sririta រៀបចំខួបស្នេហ៍ ៤ ឆ្នាំ ជាមួយស្វាមី

ថៃ៖ ក្រឡេកឃើញថា កាន់តែផ្អែមល្ហែមឡើងៗហើយ សម្រាប់គូស្វាមីភរិយា តារាសម្ដែងស្រី Sririta និងស្វាមី លោក Korn Narongdej ខណៈដែលអ្នកទាំងពីរ បានបង្ហាញពីពេលវេលាផ្អែមល្ហែម ក្នុងខួបអាពាហ៍ពិពាហ៍ ៤ឆ្នាំ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តារាស្រី Sririta ព្រមទាំងស្វាមី បាន​បង្ហោះ​ភាព​ផ្អែមល្ហែម​ ឱ្យ​អ្នក​គាំទ្រ​ បានឃើញ នៅលើ​បណ្ដាញ​សង្គម​ ជាមួយនឹងរូបភាពល្អូកល្អឺន​ពោរពេញដោយរ៉ូមែនទិក នៅពេលដែល លោក Korn បាន​នាំ​យកបាច់​ផ្កាដ៏​ធំ​មួយ ដែលមានចំនួនផ្កា ដល់​ទៅ​៤០០០​ទង ជូនដល់​ភរិយា។

មិនត្រឹមតែប៉ុណ្ណោះ តារាស្រី Sririta ក៏បានបង្ហាញពីក្ដីរំភើប ក៏ដូចជា ពេលវេលាក្នុងរយៈពេល ៤ឆ្នាំហើយរបស់ពួកគេ ដែលបានរួមរស់ជាប្ដីប្រពន្ធ ដោយបានឆ្លងកាត់រឿងជាច្រើនរួមគ្នា និងបានមើលថែគ្នាទៅវិញទៅមក ផងដែរ៕

ប្រភព៖ Sanook

សូមទស្សនារូបភាពខាងក្រោម៖ 

• រូបភាព
• តារាថៃ