គ្រោះ​រញ្ជួយ​ដី​នៅ​ជប៉ុន​ត្រូវ​បាន​ប៉ាន់​ស្មាន​ ខាតបង់ប្រាក់ចំនួន ​៦,៤​ពាន់​លាន​ដុល្លារ

ជប៉ុន៖ ការខាតបង់ពីគ្រោះរញ្ជួយដីនៅក្នុងប្រទេសជប៉ុនអាចឈានដល់ ៦.៤ ពាន់លានដុល្លារអាមេរិក នេះបើយោងតាមការប៉ាន់ប្រមាណពីក្រុមហ៊ុនដែលមានមូលដ្ឋាននៅសហរដ្ឋអាមេរិក Karen Clark & Co (KCC) ។

យោងតាម KCC បានឱ្យដឹងថា ការខាតបង់ពីអចលនទ្រព្យលំនៅដ្ឋានមានចំនួនច្រើនជាង ២ ភាគ ៣ នៃចំនួនសរុប ដោយសារ ហេដ្ឋារចនាសម្ព័ន្ធផ្សេងៗ បានរងនូវការខូចខាត​ ព្រមទាំងការបាត់បង់ទ្រព្យសម្បត្តិផ្សេងៗ និងឧស្សាហកម្មភាគច្រើននៅក្នុងទីក្រុង ជាមួយនឹងការបាត់បង់ចំណូលសេដ្ឋកិច្ច ក៏ដូចជា តាមរយៈការជួយតាមរូបភាពផ្សេងៗ សង្គ្រោះពលរដ្ឋ ដែលរងគ្រោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរឲ្យដឹងថា គ្រោះរញ្ជួយដីបានវាយប្រហារឧបទ្វីប ណូតុ ភាគខាងលិចប្រទេសជប៉ុននៅរសៀលថ្ងៃបុណ្យចូលឆ្នាំសកល ដោយធ្វើឱ្យផ្ទះដួលរំលំ  បង្កជារលកយក្សស៊ូណាមិ និងកាត់ផ្តាច់សហគមន៍ដាច់ស្រយាលថែមទៀតផង៕

ប្រភព៖ straitstimes