Pimprapa ស្រែកយំ នៅព្រលានយន្តហោះ ក្រោយបាត់របស់របរ តម្លៃសរុបជាង ៥ពាន់ដុល្លារ

បរទេស៖ គឺជារឿងដ៏ភ្ញាក់ផ្អើលយ៉ាងខ្លាំង បន្ទាប់ពី តារាសម្ដែងវ័យក្មេង Pim Pimprapa បានចេញមុខបង្ហោះសារ និងបានដាស់តឿន តាមរយៈ Instagram ផ្ទាល់ខ្លួន ក្រោយពីរូបនាង បានជួបរឿងមិននឹកស្មានដល់ អំឡុងពេលធ្វើដំណើរទៅប្រទេសរុស្សី ជាមួយនឹងប្អូនស្រី Ploypailin ដែលជា YouTuber ទេសចរណ៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តារាសម្ដែងស្រី Pim Pimprapa បានចេញមកបង្ហោះឃ្លីប ពីហេតុការណ៍ដែលបានកើតឡើង បន្ទាប់​ពី នាងត្រូវបាន​ចោរ​លួច​របស់របរ ពី​វ៉ាលី​របស់​ខ្លួន ​នៅ​ព្រលាន​យន្តហោះ​ម៉ូស្គូ។ ពេល​ដែលនាង​ឆែក​មើល​របស់​ហើយ​ដឹង​ថា​បាត់​នោះ បាន​ធ្វើ​ឱ្យ​តារាស្រីរូបនេះ ​យំ​នៅ​កណ្តាល​អាកាសយានដ្ឋានតែម្ដង ដោយសារតែរបស់ដែលបាត់នោះ មានតម្លៃសរុបជាង ២០០,០០០ បាត(ប្រមាណជាង ៥ពាន់ដុល្លារ) ។​

មិនត្រឹមតែប៉ុណ្ណោះ គេ​បាន​រក​ឃើញ​ថា​ របស់ទាំងនោះ គឺជា​កាបូប​ម៉ាក​យីហោ​ប្រណីតមួយ ដែល​មិត្ត​ប្រុស​បាន​ឲ្យ​ទៅនាង​ជា​កាដូ ព្រមទាំងមាន វ៉ែនតា គ្រឿងអលង្ការ និង​របស់​ជាច្រើន​ទៀត​ផង​ដែរ៕

ប្រភព៖ Kapook

សូមទស្សនារូបភាពខាងក្រោម៖ 

• រូបភាព
• តារាថៃ