Taylor ចាយសម្រស់ដូចរាជិនី ពេលបង្ហាញខ្លួនក្នុងកម្មវិធី Golden Globes

អាមេរិក៖ ក្រៅពីរឿងទំនាក់ទំនងស្នេហាជាមួយនឹងតារាបាល់ឱប Travis Kelce គឺ Taylor Swift ក៏ទទួលបានចំណាប់អារម្មណ៍ខ្លាំងរាល់ពេលបង្ហាញមុខក្នុងកម្មវិធីផ្សេងៗផងដែរ ព្រោះនាងជាតារាចម្រៀងផបដ៏ល្បីឈ្មោះដែលរកចំណូលពីការលក់សំបុត្រការប្រគុំតន្ត្រី "The Eras Tour" បានច្រើនជាងបំផុត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង នាមុននេះបន្តិច Taylor បានចេញមកទាក់ទាញចំណាប់អារម្មណ៍ទៀតហើយ បន្ទាប់ពីបានបង្ហាញខ្លួនក្នុងកម្មវិធី Golden Globes ខណៈដែលមិត្តប្រុស Travis Kelce ពុំបានចូលរួមទេព្រោះត្រូវចូលប្រកួតទល់នឹង Los Angeles Chargers នាបន្តិចទៀតដែរ។

ស្ថិតក្នុងរ៉ូបរឹបរាងដៃតូច ពណ៌បៃតងចាំងភ្លឺផ្លេក និងសក់ទម្លាក់មូររួញតិចៗ Taylor មើលទៅដូចជារាជិនី ពេញបង្ហាញខ្លួនលើកម្រាលព្រំក្រហមក្នុងកម្មវិធីនេះ ដោយអ្នកគាំទ្រសុទ្ធតែសរសើរថានាងពិតជាមានសម្រស់ស្រស់ស្អាតបែបព្រះនាងអ៊ីចឹង៕  

ប្រភព៖: pagesix

• រូបភាព
• តារាអន្តរជាតិ