ឆ្លាតហើយស្អាតទៀត! Wonyoung បង្ហើបថានាងអាចនិយាយបាន បីភាសា

កូរ៉េខាងត្បូង៖ Jang Wonyoung គឺជាតារាចម្រៀង KPOP ជំនាន់ទី៤ នៃក្រុម IVE ដែលនាងមានភាពលេចធ្លោ ខ្លាំងណាស់ មិនថារឿងសម្រស់ឬចំណេះដឹង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង នៅថ្ងៃទី៧ខែមករាកន្លងទៅនេះ ឆាណែល Youtube របស់ IVE បានបង្ហោះវីដេអូ Wonyoung កំពុងត្រៀមពិនិត្យក៏ដូចជាអានស្គ្រីប សម្រាប់កម្មវិធីទទួលពានរង្វាន់ AAA (Asia Artist Awards ឆ្នាំ២០២៣) ដែលនាងទទួលធ្វើជាពិធីការិនី។

ក្នុងនោះ Wonyoung បានបង្ហាញស្គ្រីបត្រូវនិយាយជាច្រើនដុំ និងបានបង្ហើបថានាងត្រូវនិយាយជាភាសាអង់គ្លេសផង កូរ៉េខាងត្បូងផង និងជប៉ុនផង ហើយមានប្រយោគជប៉ុនខ្លះបកប្រែខុស ហើយនាងកំពុងឆែកឡើងវិញ។

បន្ទាប់ពីមានការបង្ហោះវីដេអូនេះឡើង Wonyoung ក៏ទទួលបានការសរសើរពីអ្នកគាំទ្រថា នាងមិនត្រឹមតែស្រស់ស្អាតទេតែក៏ឆ្លាតខ្លាំងណាស់ដែរ គឺអាចនិយាយបានដល់ទៅបីភាសា៕  

ប្រភព៖: allkpop

• រូបភាព
• តារាកូរ៉េ