ហ្វេនកាន់តែរំភើប ក្រោយឃើញ Kylie ល្អូកល្អឺនជាមួយគូស្នេហ៍ ក្នុងកម្មវិធី Golden Globes

បរទេស៖ តារាសម្ដែងប្រុស លោក Timotheé Chalamet និង​គូស្នេហ៍ Kylie Jenner បានទាក់ទាញការចាប់អារម្មណ៍ ពេលបានបង្ហាញសកម្មភាពដ៏ក្ដៅគគុក ​ខណៈពេល​កំពុង​អង្គុយ​នៅ​តុ​ជប់លៀង​ ក្នុង​កម្មវិធី Golden Globe Awards កាល​ពី​ល្ងាច​ថ្ងៃ​ទី ៧ ខែ​មករាកន្លងទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈវីដេអូដែលបានចែករំលែកដោយទស្សនិកជន នៅលើបណ្តាញសង្គម បានបង្ហាញឲ្យឃើញថា តារាស្រី Kylie Jenner បានថើបអាវរបស់ លោក Timotheé Chalamet ពេលកំពុងជជែក។ ហើយភ្លាមៗនោះ តារាសម្ដែងប្រុសរូបនេះ ក៏បានឱនមកជិត ហើយថើប Kylie ដែលជាគូស្នេហ៍ថ្នមៗនៅលើបបូរមាត់ ទៀតផង។

គួរបញ្ជាក់ផងដែរថា ការបង្ហាញខ្លួនចូលរួមក្នុងពិធីប្រគល់ពានរង្វាន់លើកនេះ គូស្នេហ៍អ្នកទាំងពីរ បានតុបតែងខ្លួនពាក់ពណ៌ខ្មៅដែលត្រូវគ្នា ខណៈដែល Kylie Jenner បាន​ធ្វើ​ម៉ូដ​សក់​លើកឡើង បង្ហាញ​ស្មា និង​ខ្នង​ ដ៏ទាក់ទាញ​របស់​នាងផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ