អ្នកលេងអ៊ីនធើណេតសង្ស័យ ថា Selena និយាយដើមគូស្នេហ៍ Kylie ប្រាប់ Taylor ក្នុងកម្មវិធី Golden Globes?

អាមេរិក៖ អ្នកលេងអ៊ីនធើណេតនាំគ្នាវិភាគវែកញែកហូរហែ និងជឿថា Selena Gomez ដែលជាតារាចម្រៀងផបដ៏ល្បី បាននិយាយដើម គូស្នេហ៍របស់ Kylie Jenner គឺ Timothée Chalamet ប្រាប់ Taylor Swift ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីថ្ងៃទី៨ខែមករាកន្លងទៅនេះ(យប់ថ្ងៃទី៧នៅអាមេរិក) នៅអាមេរិកមានរៀបចំ កម្មវិធីទទួលពានរង្វាន់ Golden Globes ឆ្នាំ២០២៤ ដែលមានការចូលរួមពីសំណាក់តារាចម្រៀងនិងតារាសម្ដែងជាច្រើន មកបង្ហាញខ្លួនលើកម្រាលព្រំផងដែរ។

Selena និង Taylor ដែលជាមិត្តជិតស្និទ្ធនឹងគ្នាក៏បានចូលរួម និងបានអង្គុយជិតគ្នាទៀតផង ខណៈដែល Kylie Jenner ជាមហាសេដ្ឋីស្រីវ័យក្មេងនិងគូស្នេហ៍ជាតារាសម្ដែងលោក Timothée Chalamet ក៏បានចូលរួមដែរ។

គេបានឃើញ Selena បានខ្សឹបប្រាប់អ្វីម្យ៉ាងដល់ Taylor និង Keleigh Sperry ហើយបើមើលតាមមាត់របស់នាងទៅ គឺអ្នកលេងអ៊ីនធើណេតគិតថា នាងបាននិយាយប្រាប់មិត្តៗថា Timothée Chalamet បដិសេធមិនថតរូបជាមួយនាងទេ ហើយ Sperry ក៏សួរថា " Timothée មែនទេ?" បន្ទាប់មក Selena Gomez ក៏ងក់ក្បាល។

Taylor Swift បានបង្ហាញការភ្ញាក់ផ្អើលហើយបានខ្សឹបប្រាប់ Selena អ្វីម្យ៉ាងវិញប៉ុន្តែប្រភពផ្ទៃក្នុងបានទម្លាយថា Selena ពុំបានសុំ Chalamet ថតរូបនោះទេ។

ដោយឡែក Selena Gomez ធ្លាប់ដើរតួជាមួយ Timothée Chalamet ក្នុងខ្សែភាពយន្តមួយឈ្មោះថា "A Rainy Day in New York" ៕  

ប្រភព៖: pagesix

• រូបភាព
• តារាអន្តរជាតិ