ទិដ្ឋភាពនៅក្នុងផ្ទះប្រណីត Jennifer Lopez ឡើងស្រស់ស្អាត គួរឲ្យចង់រស់នៅ

បរទេស៖ នៅមុនពេលចូលកម្មវិធី Golden Globes ឆ្នាំ ២០២៤ នៅយប់ថ្ងៃអាទិត្យកន្លងទៅ តារាចម្រៀងស្រី Jennifer Lopez បានបង្ហោះវីដេអូនៃការបង្ហាញម៉ូតរបស់ខ្លួន នូវសំលៀកបំពាក់រ៉ូបគ្មានខ្សែ នៅក្រោមបរិយាកាសក្នុងផ្ទះប្រណីត ដែលបានទិញកាលពីថ្មីៗនេះ ឱ្យអ្នកគាំទ្របានមើលកម្សាន្ត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើទោះបីជា គោលបំណងនៃវីដេអូឃ្លីបនេះ គឺចង់ផ្តល់ឱ្យអ្នកគាំទ្រ នូវឈុតឆាកនៅពីក្រោយឆាកនៃការបង្ហាញរ៉ូប Barbie ពណ៌ផ្កាឈូករបស់នាង ដែលតុបតែងដោយផ្កាកុលាប ក៏ដោយ តែការបង្ហាញមួយនេះ បានធ្វើឲ្យមើលឃើញនូវផ្នែកខាងក្នុងនៃវិមានដ៏ស្កឹមស្កៃរបស់តារាចម្រៀងស្រីរូបនេះ ដែលនាងបានទិញជាមួយស្វាមី លោក Ben Affleck ក្នុងតម្លៃ ៦០.៨ លានដុល្លារ។

ផ្ទះវីឡាដ៏ស្កឹមស្កៃមួយនេះ ត្រូវបានគេដឹងថា ស្ថិតនៅតំបន់ល្បីល្បាញ ដែលលំនៅដ្ឋាននេះ មានបន្ទប់គេង ១២ និងបន្ទប់ទឹក ២៤ ដែលលាតសន្ធឹងលើផ្ទៃដី ៤៦,០០០ ហ្វីតការ៉េ និងបន្ទប់ទទួលទានអាហារជាមួយនឹងឈុតកៅអីដែលត្រូវគ្នា និងចង្កៀងគ្រីស្តាល់ នេះបើយោងតាមរូបថតមួយសន្លឹក ដែលបានបង្ហាញនៅក្នុងបន្ទប់របស់នាង ផងដែរ៕ 

ប្រភព៖ Newyorkpost

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ