ទឹកចិត្តប្រពៃណាស់​ Son Ye Jin និងស្វាមី បរិច្ចាគប្រាក់ជួយដល់ក្មេងៗ ដែលជួបការលំបាក

ថៃ៖ តារាសម្តែងស្រី Son Ye Jin និងស្វាមី លោក Hyun Bin បានបរិច្ចាគប្រាក់ចំនួន ១៥០ លានវ៉ុន (ប្រមាណជាង១១ម៉ឺនដុល្លារ) ដល់កុមារក្រីក្រ ដែលប្រឈមមុខនឹងការលំបាកក្នុងជីវិត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ យោងតាម ​​Nate តារាសម្តែងស្រី Son Ye Jin និង ស្វាមី ដែលជាតារាសម្ដែង លោក Hyun Bin បានចូលរួមចំណែក បរិច្ចាគថវិកាដល់មូលនិធិ Baby Box នៅមជ្ឈមណ្ឌលវេជ្ជសាស្ត្រ Asan ក្នុងទីក្រុងសេអ៊ូល និងមូលនិធិសហគមន៍ Jusarang ។ ហើយការបរិច្ចាគទាំងនេះ មានគោលបំណងជួយដល់ការចំណាយ លើការព្យាបាលកុមារ និងក្មេងជំទង់ ដោយធានាថា ពួកគេទទួលបានការថែទាំល្អបំផុត។

ជាមួយគ្នានេះដែរ ការឆ្លើយតបទៅនឹងប្រព័ន្ធផ្សព្វផ្សាយ តារាសម្ដែង Son Ye Jin បានបង្ហាញចេតនារបស់ខ្លួនថា នាងបានធ្វើការបរិច្ចាគនេះ ជាអំណោយ ដោយសង្ឃឹមថា នឹងផ្ញើភាពកក់ក្តៅដល់ក្មេងៗ ដែលកំពុងជួបការលំបាក ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាកូរ៉េ