ផុតកុងត្រាជាមួយ YG ភ្លាម Lisa ចេញមកបង្ហាញមុខលើកដំបូង បង្ហើបថានាងកំពុងរៀនភាសាមួយនេះ

កម្សាន្ត៖ Lisa ដែលជាសមាជិកម្នាក់របស់ក្រុមចម្រៀងនារី BLACKPINK បានចាកចេញពីផលិតកម្ម YG Entertainment ជាផ្លូវការហើយ ដោយផ្នែកសកម្មភាពផ្សព្វផ្សាយបែបទោល គឺនាងទទួលខុសត្រូវខ្លួនឯង ខណៈសកម្មភាពក្រុមទាំងមូលគឺបន្តស្ថិតក្រោម YG ដដែល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ទាប់ពីព័ត៌មាននៃការមិនបន្តកុងត្រាថ្មីរបស់នាងបានផ្ទុះឡើង នេះជាលើកដំបូងហើយដែល Lisa បានមកបង្ហាញមុខជាសាធារណៈម្ដងទៀត ដោយបានថតរូបឲ្យទស្សនាវដ្ដី Elle នៅតៃវ៉ាន់។

អមជាមួយនេះក៏មានកិច្ចសម្ភាសន៍ខ្លះៗរបស់ Lisa ផងដែរ ដោយក្នុងនោះនាងបាននិយាយថា អ្វីដែលនាងចង់ធ្វើបំផុតពេលនេះគឺចំណាយពេលជាមួយគ្រួសារ បន្ទាប់ពីកាលវិភាគដ៏រវល់បានកន្លងផុតទៅ ហើយនាងក៏កំពុងនឹងរៀនភាសាបារាំងផងដែរ ដែលចាត់ទុកជាការប្រកួតប្រជែងថ្មីមួយ។

មានពាក្យចចាមអារ៉ាមថា Lisa រៀនភាសាបារាំងដោយសារតែនាងមានទំនាក់ទំនងស្នេហាជាមួយ កូនប្រុសមហាសេដ្ឋីស្ដុកស្ដម្ភ Frederic Arnault ប៉ុន្តែនាងបានទម្លាយថា នាងរៀនភាសាបារាំងដោយសារចង់ប្រាស្រ័យទាក់ទងជាមួយនឹង ក្មួយស្រីព្រោះក្មួយស្រីនាងអាចនិយាយបានពីរភាសា ថៃនិងបារាំង៕  

ប្រភព៖: dipe

• រូបភាព
• តារាថៃ
• តារាកូរ៉េ