បាត់មុខយូរ IU លាបសក់ពណ៌ផ្កាឈូក មើលទៅដូចតុក្កតាបាប៊ី

កូរ៉េខាងត្បូង៖ IU ដែលជាតារាចម្រៀងទោល ល្បីល្បាញខាងមានទឹកដមសំនៀងពីរោះក្រអៅក្រអួន តែងតែត្រូវបានគេចាប់អារម្មណ៍លើសកម្មភាពរបស់នាងមិនថា នៅលើឆាក ឬក្រោយឆាក ដោយសារតែនាងមានអត្តចរិតសុភាពរាបសារ ចិត្តល្អ តែងតែបរិច្ចាគប្រាក់ជូនដលលអង្គការសប្បុរសធម៌ជារឿយៗ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ក្រោយប្រកាសទាក់ទងគ្នាជាមួយនឹងតារាសម្ដែង Lee Jong Suk រួចមក IU ហាក់ស្ងប់ស្ងាត់ជាងមុន ប៉ុន្តែក្នុងឆ្នាំ២០២៤នេះ នាងនឹងចេញមកបង្ហាញមុខសាជាថ្មីជាមួយអាល់ប៊ុមទចម្រៀងថ្មី ដែលលេចឮថាមានការសហការជាមួយនឹង V សមាជិកក្រុម BTS ផងដែរ។

ដោយឡែក ថ្មីៗនេះអ្នកគាំទ្រមានការភ្ញាក់ផ្អើលជាខ្លាំង បន្ទាប់ពីឃើញ IU បង្ហាញវត្តមាននៅព្រលានយន្តហោះអន្តរជាតិអ៊ីនឆន ត្រៀមហោះហើរទៅទីក្រុងមីឡាន ប្រទេសអ៊ីតាលី ដោយសារតែនាងបានលាបសក់ពណ៌ផ្កាឈូកចែងចាំងតែម្ដង។

ជាមួយរូបភាពនេះដែរ គេឃើញថា IU ពិតជាមានសម្រស់ស្រស់ស្អាត ហើយសក់នោះក៏លើកមុខនាង មើលទៅក្មេងជាងវ័យ និងដូចតុក្កតាបាប៊ីផងដែរ៕  

ប្រភព៖: allkpop

• រូបភាព
• តារាកូរ៉េ