ផ្អែមល្ហែមចុះឡើង Taylor គ្រោងនឹងភ្ជាប់ពាក្យ ជាមួយមិត្តប្រុសហើយ

អាមេរិក៖ យោងតាមប្រភពផ្ទៃក្នុងបានបញ្ជាក់ប្រាប់ សារព័ត៌មាន Page Six ថា តារាចម្រៀងផបដ៏ល្បីឈ្មោះ Taylor Swift គ្រោងនឹងភ្ជាប់ពាក្យជាមួយនឹង Travis Kelce ជាកីឡាករបាល់ឱប នៅរដូវក្ដៅនេះហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Taylor ទើបតែទាក់ទងគ្នាជាមួយ Travis កាលពីខែកក្កដាខែ២០២៣កន្លងទៅ ប៉ុន្តែទំនាក់ទំនងរបស់អ្នកទាំងពីរមានភាពស្រស់បំព្រងនិងស្និទ្ធស្នាលណាស់។ ជារឿយៗគេតែងតែឃើញ នាងបានទៅលើកទឹកចិត្តមិត្តប្រុស អំឡុងពេលមានការប្រកួតផងដែរ និងបានទៅដើរលេងជាមួយគ្នាទៀតផង។

ដូច្នេះពួកគេចង់ភ្ជាប់ពាក្យនៅគម្រប់ខួបមួយឆ្នាំនៃការទាក់ទងគ្នា គឺនៅខែកក្កដាឆ្នាំ២០២៤នេះ ដោយមានពាក្យចចាមអារ៉ាមថា Travis បានសុំអនុញ្ញាតពីឪពុក Taylor រួចហើយក្នុងការរៀបការជាមួយនាង កាលពីខែធ្នូកន្លងទៅ៕  

ប្រភព៖: pagesix

• រូបភាព
• តារាអន្តរជាតិ