ផ្អើលអស់អ្នកគាំទ្រ ក្រោយ Rosé បង្ហើបតម្រុយចេញចម្រៀងថ្មី

កូរ៉េខាងត្បូង៖  Rosé ដែលជាសមាជិកម្នាក់របស់ក្រុមចម្រៀងនារីដ៏ល្បីឈ្មោះ BLACKPINK បានឲ្យតម្រុយដល់អ្នកគាំទ្រ ទាក់ទងនឹងការចេញបទចម្រៀងថ្មី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាការពិតណាស់ ថ្មីៗនេះ ផលិតកម្ម YG Entertainment បានចេញមកប្រកាសថា សមាជិកទាំងបួននាក់របស់ BLACKPINK នឹងមិនបន្តកុងត្រាថ្មីជាមួយ YG ទេបើគិតលើសកម្មភាពទោល ខណៈដែលសកម្មភាពផ្សព្វផ្សាយជាក្រុមគឺនៅបន្តធម្មតា។

ខណៈដែល Jennie បានប្រកាសបើកផលិតកម្មថ្មី ODDATELIER នោះ Rosé វិញក៏ពុំទាន់មានការប្រកាសថានាងចូលរួមជាមួយផលិតកម្មណានោះដែរ។

ឥឡូវនេះ នាងស្រាប់តែមកបង្កការភ្ញាក់ផ្អើល បន្ទាប់ពីបានបង្ហោះ Story រូបភាពមួយក្នុង Instagram គឺនៅក្នុងបន្ទប់ថតចម្រៀងផងដែរ ដែលធ្វើឲ្យអ្នកគាំទ្រគិតថានាងនឹងចេញចម្រៀងទោលឆាប់ៗនេះ។

ក្នុងនោះគេសង្ស័យថា Rosé អាចនឹងចូលរួមជាមួយផលិតកម្ម Columbia Records ដោយសារតែនាងធ្លាប់បានចួបជាមួយនឹង CEO គឺលោក Ron Fay ប៉ុន្តែយ៉ាងណា យើងនឹងរង់ចាំមើលថាតើ Rose ចូលរួមជាមួយផលិតកម្មមួយណា៕  

ប្រភព៖: allkpop

• រូបភាព
• តារាកូរ៉េ