មិនខ្លាចរងា Taylor ចេញមកគាំទ្រគូស្នេហ៍ ដល់កន្លែងប្រកួត

បរទេស៖ ថ្មីៗនេះ តារា​ចម្រៀង​ដ៏ល្បី Taylor Swift បានចេញមកបង្ហាញខ្លួន ក្រោមអាកាសធាតុ​ខ្យល់​ត្រជាក់​ពេលទៅដល់​កីឡដ្ឋាន​ ក្នុង​ទីក្រុង Kansas កាល​ពី​ល្ងាច​ថ្ងៃ​សៅរ៍ ដើម្បីទៅគាំទ្រដល់ ​មិត្ត​ប្រុស​របស់​នាង​ គឺ​កីឡាករ​ លោក Travis Kelce។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈការបង្ហាញខ្លួនលើកនេះ Taylor Swift បានចេញមកជាមួយនឹងការតុបតែងខ្លួន ដោយបានស្លៀកពាក់​ខោ ស្បែកជើង​កវែង​ពណ៌​ខ្មៅ និង​អាវ​ក្រាស់​ដើម្បី​រក្សា​ភាព​កក់ក្តៅ។ មិនត្រឹមតែប៉ុណ្ណោះ អាវពណ៌ក្រហមដែលមានលេខធំ 87 បោះពុម្ពនៅលើទ្រូង និងដៃអាវ គឺត្រូវបានគេដឹងថា ជាលេខអាវគូស្នេហ៍របស់នាងទៀតផង។

លើសពីនេះ តារា​ចម្រៀង​ស្រី​វ័យ ៣៤ ឆ្នាំ​រូប​នេះ គឺ​នៅ​តែបង្ហាញពី​ សម្រស់​ស្រស់​ស្អាត​ជាមួយ​នឹង​បបូរមាត់​ពណ៌​ក្រហម និង​អាកប្បកិរិយា​ពោរពេញដោយភាពស្រស់ស្រាយ ។ ទោះជាយ៉ាងណាក៏ដោយ ខណៈអាកាសធាតុមានភាពត្រជាក់ខ្លាំងក៏ដោយ តែក៏មិនអាចបញ្ឈប់ Taylor Swift ពីការចេញទៅលើកទឹកចិត្តក្រុមបាល់ទាត់ Kansas City Chiefs របស់មិត្តប្រុសរបស់នាង ទល់នឹង Miami Dolphins បាននោះទេ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ