ក្រោយមានចចាមអារ៉ាមចែកផ្លូវគ្នា Tom Holland ចេញមកបញ្ជាក់បែបនេះ

បរទេស៖ ថ្មីៗនេះ ហ្វេនៗជាច្រើន កំពុងតែចាប់អារម្មណ៍ទៅលើរឿងរ៉ាវទំនាក់ទំនងស្នេហា រវាង តារាសម្ដែង លោក Tom Holland និងតារាស្រី Zendaya បន្ទាប់ពីមានព័ត៌មានចចាមអារ៉ាមចែកផ្លូវគ្នា និងបានបង្កឱ្យមានការភ្ញាក់ផ្អើលនៅក្នុងសង្គមអនឡាញកាលសប្តាហ៍មុននេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក កាលពីថ្ងៃទី ១៣ ខែមករាកន្លងទៅ តារាសម្ដែង Tom Holland បាននិយាយជាផ្លូវការអំពីពាក្យចចាមអារ៉ាមនាពេលថ្មីៗនេះ នៅពេលដែលបានបង្ហាញខ្លួន នៅក្នុងផ្លូវមួយក្នុងទីក្រុង Los Angeles ។ នៅពេលនោះដែរ អ្នកសារព័ត៌មាន TMZ ក៏បានសួរថាតើ Tom បានបែកបាក់ជាមួយមិត្តស្រីរបស់ខ្លួន Zendaya ដែរឬយ៉ាងណានោះ តារាសម្តែងប្រុសរូបនេះ បានឆ្លើយភ្លាមៗយ៉ាងខ្លីថា «មិនមែនទេ» ។

ដូច្នេះហើយ តាមរយៈនេះ គេអាចសង្កេតឃើញថា ទំនាក់ទំនងរវាងតារាប្រុសស្រីទាំងពីរដួងនេះ គឺនៅតែល្អប្រពៃបំផុត ដោយមិនមានការបែកបាក់គ្នា ដូចមហាជនស្មាននោះទេ។ មិនត្រឹមតែប៉ុណ្ណោះ អ្នកគាំទ្រជាច្រើន ក៏បានសម្តែងនូវក្តីរីករាយរបស់ពួកគេ ចំពោះព័ត៌មានចុងក្រោយ ទាក់ទងនឹងរឿងស្នេហារបស់គូស្នេហ៍ Tom និង Zendaya ដែលនៅតែល្អនឹងគ្នា ផងដែរ៕

ប្រភព៖ Kenh14

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ