Selena ដើរលើកម្រាលព្រំក្រហម ជាមួយរ៉ូបរឹបរាង ស្អាតមើលសឹងតែភ្លឹក

អាមេរិក៖ Selena Gomez ដែលជាតារាចម្រៀងផបដ៏ល្បីឈ្មោះនោះ ជារឿយៗគឺតែងតែត្រូវបានអ្នកគាំទ្រចាប់អារម្មណ៍ទៅលើសកម្មភាពរបស់នាង មិនថានៅលើឆាកតន្ត្រី ឬក្រោយឆាកតន្ត្រី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ នាងហាក់បង្ហាញខ្លួនញឹកនៅលើទំព័រសារព័ត៌មាន បន្ទាប់ពីបានប្រកាសទាក់ទងលោក Benny Blanco ដែលជាផលិតករម្នាក់ ហើយអ្នកទាំងពីរតែងតែបានបង្ហាញភាពផ្អែមល្ហែមជាមួយគ្នាទៀតផង។

ឥឡូវនេះ Selena បានធ្វើឲ្យអ្នកគាំទ្រសរសើរមិនដាច់ពីមាត់ ពេលដើរលើកម្រាលព្រំក្រហម ក្នុងកម្មវិធី Emmys 2024 ដែលនាងបានស្លៀករ៉ូបពណ៏ក្រហមបែកឈាមជ្រូក ជាឈុតរឹបរាង សម្រុងវែងដល់កជើង ហើយសាច់រ៉ូបគឺស្ដើងមើលធ្លុះដល់ខាងក្នុង គ្រាន់តែមានក្បាច់រូបដូចស្លឹកឈើមកបិទបាំង ដែលធ្វើឲ្យមើលទៅប្លែកភ្នែក ឯចំណែកសក់វិញ Selena បានបួងឡើង វែកសក់មុខមកខាងឆ្វេងដៃ មើលទៅពិតជាស្រស់ស្អាតខ្លាំងមែនទែន៕  

ប្រភព៖: pagesix

• រូបភាព
• តារាអន្តរជាតិ