Park Min Young ចេញបដិសេដ រឿងទទួលលុយ ពីអតីតគូស្នេហ៍

កូរ៉េខាងត្បូង៖ គឺជារឿងដ៏គួរឲ្យភ្ញាក់ផ្អើលពីបណ្ដាអ្នកគាំទ្រ ក្រោយពី តារាសម្តែងស្រី Park Min Young ត្រូវបានចោទប្រកាន់ថា បានទទួលប្រាក់ជាង ២០០ លានវ៉ុន (ប្រហែល ១៩ម៉ឺន ដុល្លារ) ពីអតីតគូស្នេហ៍ លោក Kang Jong Hyun ខណៈកាលពីពេលដែលពួកគេ នៅកំពុងទាក់ទងគ្នា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាម Dispatch បានរាយការណ៍ថា តារាសម្ដែងស្រី Park Min Young ទទួលបាន ២៥០ លានវ៉ុននៅពេលទាក់ទង លោក Kang Jong Hyun ដែលជាការចំណាយលើការរស់នៅ។ ម៉្យាងវិញទៀត លុយនេះ ត្រូវបានផ្ទេរដោយផ្ទាល់ទៅកាន់គណនីផ្ទាល់ខ្លួនរបស់ Park Min Young បន្ទាប់មក នាងក៏បានដកវាចេញដើម្បីចំណាយ។

តែទោះជាយ៉ាងណាក៏ដោយ កាលពីថ្ងៃទី ១៥ ខែមករាកន្លងទៅ តារាស្រី Park Min Young ក៏បានចេញមក បដិសេធ ដោយនិយាយថា វាជាការយល់ច្រឡំ។ ហើយតាម​រយៈ​អ្នក​តំណាង​របស់​ខ្លួន តារា​សម្ដែង​រូប​នេះ ​បាន​បញ្ជាក់​ទៀតថា ប្រាក់​នេះ​ត្រូវ​បាន​ដក​ចេញ​សម្រាប់​ការ​ប្រើ​ប្រាស់​របស់ លោក Kang Jong Hyun ហើយ Park Min Young គឺមិនបាន​ប៉ះ​ពាល់វា​ឡើយ។

គួររំឮកផងដែរថា នៅឆ្នាំ ២០២២ នៅពេលដែលរឿងអាស្រូវប្រើលុយ​​​ខុសច្បាប់ បានផ្ទុះឡើង លោក Kang Jong Hyun ក៏ត្រូវបានស៊ើបអង្កេត ហើយតារាសម្តែងស្រី Park Min Young ក៏បាននិយាយឡើង ដើម្បីបញ្ជាក់ពីការបែកគ្នារបស់ពួកគេ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ