Jennie ចូលក្លឹបរាំបទ Super Shy នៅអាមេរិក ដើម្បីអបអរខួបកំណើតខ្លួនទុកមុន

អាមេរិក៖ Jennie ដែលជាសមាជិកម្នាក់របស់ក្រុមចម្រៀងនារី BLACKPINK តែងតែត្រូវបានគេចាត់ទុកថាជាអ្នកចម្រៀងដែលមានភាពលេចធ្លោ ក៏ដូចជាអ្នកដែលនាំ Trend ឬស្ទាយ៍ថ្មីៗទាក់ទងនឹងការស្លៀកពាក់ផងដែរ ហើយជារឿយៗ សកម្មភាពរបស់នាងទាំងនៅលើឆាកតន្ត្រី និងជីវិតផ្ទាល់ខ្លួន គឺសុទ្ធតែមានអ្នកតាមដានហូរហែ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង នៅដើមខែមករានេះ គឺ មុនថ្ងៃទី១៦ ខែមករាឆ្នាំ២០២៤ ដែលជាថ្ងៃខួបកំណើតគម្រប់២៨ឆ្នាំរបស់នាង គេបានប្រទះឃើញថា Jennie បានចូលក្លិបរាំយ៉ាងសប្បាយរីករាយជាមួយនឹងមិត្តភក្តិ នៅឯទីក្រុង Los Angeles រដ្ឋកាលីហ្វរញ៉ា សហរដ្ឋអាមេរិក ដោយបានពាក់មួកតាកឹបខ្មៅបិទបាំងផ្ទៃមុខផងដែរ ដែលអ្នកគាំទ្រសនមតថា នាងទៅអបអរថ្ងៃកំណើត​​​ខ្លួនទុកមុន។

ក្លិបមួយនោះជាក្លិបបែប KPOP នៅតំបន់ KoreaTown មានឈ្មោះថា Mama Lion ដែលចាក់បទចម្រៀងបែប KPOP ដោយក្នុងនោះនាងបានរាំបទ Super Shy របស់ Newjeans និងបទ "DDU-DDU DDU-DU" របស់ក្រុមនាងផងដែរ ដែលធ្វើឲ្យអ្នកគាំទ្រសរសើរមិនដាច់ពីមាត់ថា ទោះនាងទៅដល់អាមេរិកក្ដីក៏នៅតែ ចូលក្លិបបែប KPOP ៕  

ប្រភព៖: koreaboo

• រូបភាព
• តារាកូរ៉េ