រូបភាព Teaser បទថ្មីរបស់ (G)I-DLE កំពុងត្រូវមហាជនវែកញែកជាខ្លាំង

កូរ៉េខាងត្បូង៖ រូបភាព Teaser សម្រាប់បទថ្មី របស់ក្រុមក្រុមចម្រៀងនារី (G)I-DLE ត្រូវបានមហាជនអ្នកលេងអ៊ីនធើណេត នាំគ្នាវិភាគក៏ដូចជាជជែកវែកញែក ថាតើវាមើលទៅស៊ិចស៊ីពេកឬយ៉ាងណា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីយប់ថ្ងៃទី១៥ខែមករា ឆ្នាំ២០២៤ កន្លងទៅនេះ ក្រុមចម្រៀងនារី (G)I-DLE បានទម្លាក់រូបភាព Teaser សម្រាប់អាល់ប៊ុមថ្មីដែលត្រៀមនឹងចេញផ្សាយ មានឈ្មោះថា "2" ដោយសមាជិកទាំងអស់រួមមាន Miyeon, Soyeon, Minnie, Yuqi និង Shuhua សុទ្ធតែបានចូលរួមថតទាំងអស់។

ក្នុងនោះដែរ គេឃើញថាខនសិបនៃរូបថត Teaser នោះគឺទេសភាពបែបព្រិលធ្លាក់ ហើយសមាជិកនីមួយៗ ពាក់ជាមួយមួករោមសត្វឬស្បែកជើងប៊ូតរោមសត្វ ប៉ុន្តែសម្លៀកបំពាក់នៅលើដងខ្លួនវិញគឺបែបប៊ីគីនី ដែលមានបញ្ចេញសាច់ផងដែរ។

ដូច្នេះហើយទើបបណ្ដាលឲ្យមានការវែកញែករឿងរូបភាព Teaser ទាំងនេះ ដោយខ្លះមានមតិថា វាមើលទៅចំហនិងវាលពេក គឺស៊ិចស៊ី ខុសប្លែកពីខនសិបរបស់ក្រុមដទៃៗ ខណៈដែលអ្នកផ្សេងទៀតក៏យល់ឃើញថា រូបភាពនេះមិនមានបញ្ហាអ្វីទេ ព្រោះពួកគេសុទ្ធតែជាមនុស្សធំពេញវ័យទៅហើយ៕  

ប្រភព៖: allkpop

• រូបភាព
• តារាកូរ៉េ