សត្វស្លាបចុងសម័យដាយណូស័រ ធំអស់ទាស់ ឈរជិត ឃើញមនុស្សប៉ុនកូនកណ្ដុរ

បរទេស៖ កាលពីថ្មីៗកន្លងទៅនេះ ប្រភពពីគណនីហ្វេសប៊ុក Cambo Space បានរាយការណ៍អំពីអំបូរសត្វស្លាបមួយប្រភេទដែលវារស់នៅតាំងពីចុងសម័យសត្វដាយណូស័រ។ តាមប្រភពបានឲ្យដឹងថា សត្វស្លាប Quetzalcoatlus ប្រភេទសត្វស្លាប ដែលអាចហោះហើរលើមេឃ និងមានទំហំធំជាងគេបំផុត កាលពីចុងសម័យដាយណូស័រ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងនោះ គេបានបង្ហាញរូបភាព សត្វស្លាបស្ថិតក្នុងអំបូរ Pterosaure មានឈ្មោះថា Quetzalcoatlus នៃចុងយុគសម័យ Late Cretaceous កាលពី ៦៨លានឆ្នាំមុន។ ក្រឡេកទៅមើល សត្វស្លាប Quetzalcoatlus ដែលធៀបនឹងទំហំមនុស្សធម្មតានេះ ​អាចទទឹងប្រវែងជាង ១០ម៉ែត្រ (ពេលត្រដាងស្លាប) និងកម្ពស់ជាង ៩ម៉ែត្រ ជាមួយនឹងទម្ងន់ខ្លួនជិត ២៥០គីឡូក្រាម។

មិនតែប៉ុណ្ណោះ Quetzalcoatlus មិនខុសពីសត្វស្លាបជាច្រើនលើផែនដីនាពេលបច្ចុប្បន្ននេះឡើយ ដោយវាបានស៊ីសត្វតូចៗជាងវាអាហារ (ក៏សំដៅលើដាយណូស័រតូចៗផងដែរ)។ បើយោងតាមភស្តុតាងចុងក្រោយបានបង្ហាញថា សត្វស្លាបយក្សនេះ មានវត្តមាននៅតំបន់ដីសើមមួយ ដែលបច្ចុប្បន្នជារដ្ឋតិចសាស់ (Texas) នៃសហរដ្ឋអាមេរិក៕

ប្រភព៖ Cambo Space

• វិទ្យាសាស្រ្ត
• រូបភាព