ពុទ្ធោ តួអង្គប្រុស «ផា» តារាជើងចាស់ថៃ ប្រែរូបរាងខ្លាំង មើលសឹងមិនស្គាល់

ថៃ៖ កាលពីថ្ងៃទី ២២ ខែមីនាគេហទំព័រ Sanook បាននាំចែករំលែករូបភាពរបស់តារាសម្តែងប្រុស Sornram Teppitak ត្រូវបានគេស្គាល់លោក «ផា» នៅលើបណ្តាញសង្គម ដែលកំពុងតែបង្កការភ្ញាក់ផ្អើល ពីមហាជន​នៃរូបរាងប្រែប្រួលរបស់តារាប្រុសរូបនេះ។

នៅក្នុងរូបភាពចុងក្រោយ ដែលគេបានលើកមកនិយាយពាសពេញបណ្តាញអ៉ីនធឺណែតនេះ ជាមួយរូបរាងមុខមានសភាពទ្រុមទ្រោម ខ្លាំងដូចមនុស្សអាយុច្រើន មិនត្រឹមតែប៉ុណ្ណោះ លោកប៉ាកូនមួយរូបនេះ បានស្លៀកពាក់បែបបុរាណ បានធ្វើឲ្យរូបលោក កាន់តែចាស់ថែមមួយកម្រិតទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញក្រោយពីឃើញបែបនេះ ទស្សនិកជនមានការព្រួយបារម្ភអំពីស្ថានភាពសុខភាពរបស់តារាវ័យ ៥០ឆ្នាំរូបនេះ ធ្វើឲ្យអ្នកគាំទ្រមានអារម្មណ៍ស្រឡាំងកាំងនិយាយថា ពិតជាជាទ្រុមទ្រោមពេកហើយ​ដូចអ្នកមានជំងឺប្រចាំកាយ។

មិនត្រឹមតែប៉ុណ្ណោះ ហ្វេនៗរបស់លោក មានការស្លុតចិត្តជាខ្លាំង ទៅនឹងរូបភាពចុងក្រោយអាយដលរបស់ពួកគេ ដែលគេនឹកមិនស្មានថា រូបលោក​ ប្រែរូបរាងដ៏ម្លឹង ក្រោយបាត់មុខសិល្បៈប៉ុន្មានឆ្នាំចុងក្រោយតែប៉ុណ្ណោះ៕

ប្រភព៖ Sanook

• តារាថៃ