ម៉ាក់របស់ Jennie តែងតែជូនរបស់មួយនេះ ដល់កូ»-នស្រីក្នុងថ្ងៃខួបកំណើតរៀងរាល់ឆ្នាំ

កូរ៉េខាងត្បូង៖ ដូចដែលប្រិយមិត្តមួយចំនួនបានជ្រាបហើយថា កាលពីថ្ងៃទី១៦ខែមករាកន្លងទៅនេះ គឺជាថ្ងៃខួបកំណើតឈានចូល២៨ឆ្នាំរបស់ Jennie ជាសមាជិកម្នាក់របស់ក្រុមចម្រៀងនារី BLACKPINK ដ៏ល្បីល្បាញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដើម្បីអបអរថ្ងៃកំណើតរបស់ខ្លួន Jennie ក៏បានបង្ហោះរូបភាពជាច្រើនមានទាំងនំខេកគួរឲ្យស្រលាញ់ដល់ទៅបី ដែលសន្និដ្ឋានថាជារបស់មិត្តភក្តិ និងគ្រួសាររបស់នាងជូន។

យ៉ាងណាមិញ គេសង្កេតឃើញថា Jennie បានបង្ហោះរូបភាពបាច់ផ្កាកុលាបពណ៌ខៀវ ដែលជាកាដូពីម៉ាក់របស់នាងផ្ទាល់ ដែលនេះមិនមែនជាលើកដំបូងទេដែល Jennie ទទួលបានផ្កាកុលាបពណ៌ខៀវពីម៉ាក់ ព្រោះជារៀងរាល់ឆ្នាំ នាងតែងតែទទួលបានវា ដែលចាត់ទុកជាទម្លាប់មួយរវាងម៉ាក់កូនទាំងពីរនាក់៕  

ប្រភព៖: allkpop

• រូបភាព
• តារាកូរ៉េ