តារាសម្ដែងហុងកុង Charmaine Sheh បើកបង្ហាញផ្ទះប្រណីតជាច្រើន សុទ្ធតែមានតម្លៃថ្លៃ

កម្សាន្ត៖ ថ្មីៗនេះ តារាសម្តែងហុងកុងដ៏ល្បី Charmaine Sheh ត្រូវបានគេរាយការណ៍ថា បានទិញអាផាតមិនប្រណីតតម្លៃជាង ៣០ លានដុល្លារហុងកុង (ប្រហែល ៣,៨ លានដុល្លារ) កាលពីដើមខែមករា ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមប្រភព Sohu បានបង្ហាញថា អាផាតមិនដែល តារាសម្ដែងស្រី Charmaine Sheh បានទិញ មានបន្ទប់គេងចំនួន ៣ ដែលមានផ្ទៃដីប្រហែល ៩៤ ម៉ែត្រការ៉េ។ អចលនទ្រព្យនេះ គឺជាកម្មសិទ្ធិរបស់អគារមួយ នៅ North Point ដែលទិញដោយម្ចាស់ដំបូងក្នុងឆ្នាំ ២០១៧ ។

មិនត្រឹមតែប៉ុណ្ណោះ ខាងប្រព័ន្ធផ្សព្វផ្សាយហុងកុង ក៏បានប៉ាន់ស្មានថា បច្ចុប្បន្ន Charmaine Sheh មានអចលនទ្រព្យយ៉ាងហោចណាស់ ៥ នៅក្នុងទីក្រុងហុងកុង ដែលមានតម្លៃទីផ្សារសរុបជាង ១០០ លាន HKD (១២,៨ លានដុល្លារអាមេរិក) ។

ម៉្យាងវិញទៀត សារព័ត៌មានជាច្រើន ថែមទាំងបានហៅ Charmaine Sheh ថាជាមហាក្សត្រីនៃអចលនទ្រព្យហុងកុង រហូតនៅលើ Weibo ក៏ទស្សនិកជនជាច្រើន បានបញ្ចេញមតិថា Charmaine Sheh គឺជា «មហាក្សត្រីដ៏មានអំណាច» ដោយសារទ្រព្យសម្បត្តិដ៏ធំរបស់នាង ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន