ឃើញ​​ប្លែក! រូបភាពថ្មីរបស់ Joy ក្រុម Red Velvet ធ្វើឲ្យអ្នកគាំទ្រមើលសឹងមិនស្គាល់

កូរ៉េខាងត្បូង៖ រូបភាពថ្មីរបស់ Joy ដែលជាសមាជិកម្នាក់របស់ក្រុមចម្រៀងនារី Red Velvet បានធ្វើឲ្យអ្នកគាំទ្រនិងមហាជន មានការវែកញែកពេញអ៊ីនធើណេត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះបន្ទាប់ពីសម្រាកពីការផ្សព្វផ្សាយអាល់ប៊ុមថ្មីរបស់ Red Velvet ចំណងជើងថា "Chill Kill" គឺ Joy បានវិលត្រឡប់មកបំពេញការងារក្នុងនាមជាតារាសម្ដែងស្រីវិញម្ដង ដោយរូបភាពថ្មីនេះត្រូវបានចែករំលែក ពេលដែលនាងបានទៅថតកម្មវិធី "Animal Farm" ។

ក្នុងនោះ គេសង្កេតឃើញថា Joy ទំនងជាបានវះកាត់ត្របកភ្នែកពីរជាន់ ព្រោះឃើញត្របកភ្នែកនាងច្បាស់ៗ ទាំងដែលកាលពីមុន ត្របកភ្នែករបស់នាងគឺម្ខាងមានពីរជាន់ ម្ខាងមានតែមួយជាន់។

តែយ៉ាងណា អ្នកគាំទ្រនៅតែគិតថានាងពិតជាមានសម្រស់ស្រស់ស្អាតមិនផ្លាស់ប្ដូរ ទោះបីជាឆ្លងឆ្លាត់ការកែសម្ផស្សបន្តិចបន្តួចក៏ដោយ ព្រោះនេះចាត់ទុកជារឿងធម្មតាទៅហើយ​​​ក្នុងវិស័យ Kpop ៕

ប្រភព៖: koreaboo

• រូបភាព
• តារាកូរ៉េ