ឆ្នាំថ្មី HyunA ប្រកាសថាខ្លួនកំពុងទាក់ទង ជាមួយអតីតសមាជិកក្រុម Beast ម្នាក់នេះ

កូរ៉េខាងត្បូង៖ HyunA គឺជាតារាចម្រៀងរ៉េបដ៏ល្បីឈ្មោះម្នាក់ ក្នុងវិស័យ KPOP ដែលល្បីរឿងចូលចិត្តស្លៀកពាក់ស្ទាយ៍ប្លែកៗ ហើយជារឿយៗ រាល់សកម្មភាពរបស់នាងក៏ទទួលបានការចាប់អារម្មណ៍ ពីអ្នកគាំទ្រផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ថ្មីៗនេះ HyunA បានចេញមកបង្កភាពភ្ញាក់ផ្អើលដល់អ្នកគាំទ្រ បន្ទាប់ពីនាងបានប្រកាសថា នាងកំពុងមានទំនាក់ទំនងស្នេហាជាមួយនឹង Junhyung ដែលជាអតីតសមាជិកម្នាក់របស់ក្រុម Beast ជាក្រុម KPOP ជំនាន់ទី២ ដែលអ្នកគាំទ្រប្រាកដជាស្គាល់ហើយតាមរយៈបទ "Fiction" ហើយលោកក៏ជាអតីតសមាជិករបស់ក្រុមចម្រៀង Highlight ផងដែរ។

HyunA ថែមទាំងបានបង្ហោះរូបនាងកាន់ដៃគ្នាជាមួយតារាប្រុសរូបនេះ នៅលើគណនីបណ្ដាញសង្គម Instagram ខណៈដែល Yong Junhyung ក៏បានបង្ហោះរូបភាពនេះដូចគ្នា ដែលធ្វើឲ្យអ្នកគាំទ្រជាច្រើនបានចូលទៅបញ្ចេញមតិអបអរសាទរពួកគេទៀតផង។

ពួកគេធ្លាប់បានបង្ហាញពីទំនាក់ទំនងជិតស្និទ្ធកាលពីចូលរួមក្នុងកម្មវិធីហ្វេហ្សិនឈ្មោះ "2016 F/W Hera Seoul Fashion Week" ហើយក៏បន្តធ្វើការជាមួយគ្នាលើបទចម្រៀង "A Bitter Day" ពីអាល់ប៊ុមទោលរបស់ HyunA មានឈ្មោះថា "Bubble Pop" ផងដែរ ដោយសារតែអ្នកទាំងពីរធ្លាប់​​​ស្ថិតក្នុងទ្រនំតែមួយ។  

ប្រភព៖: allkpop

• រូបភាព
• តារាកូរ៉េ