នៅសុខៗមិនចង់ Youtuber ម្នាក់នេះត្រូវ Wonyoung ប្ដឹ-»ងទារ១០០លាន ពីបទបង្ខូ»-ចកេ-»រ្តិ៍ឈ្មោះ

កូរ៉េខាងត្បូង៖ Jang Wonyoung ដែលជាសមាជិកម្នាក់របស់ក្រុមចម្រៀងនារី IVE គឺជាតារា KPOP ជំនាន់ថ្មីដែលកំពុងទទួលបានការគាំទ្រ និងចាប់អារម្មណ៍ខ្លាំងណាស់ ព្រោះតែនាងមានផ្ទៃមុខស្រស់ស្អាត ច្រៀងក៏ពីរោះ និងពូកែខាងភាសា ហើយកាយវិការនីមួយៗទៀតសោតក៏ពិតជាលេចធ្លោខ្លាំង រហូតទទួលបានរហស្សនាមថាជា IT-Girl ប្រចាំក្រុម KPOP ជំនាន់ទី៤ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ទោះមានអ្នកស្រលាញ់ចូលចិត្តច្រើនក្ដី ក៏ Wonyoung នៅតែទទួលបានការស្អប់និងចម្អកពីមហាជនមួយចំនួន ដែលថ្មីៗនេះ Youtuber ម្នាក់ឈ្មោះថា "Sojang" ត្រូវបាន Wonyoung និងផលិតកម្ម Starship ប្ដឹងប្ដល់ពីបទធ្វើឲ្យកេរ្តិ៍ឈ្មោះរបស់នាងខូចខាតផងដែរ។

ក្នុងនោះ Wonyoung បានប្ដឹងប្ដល់ Sojang ចំនួនមួយករណីហើយផលិតកម្ម Starship ក៏បានដាក់ពាក្យប្ដឹងប្ដល់ដោយឡែកមួយទៀត ហើយចៅក្រមបានសម្រេចឲ្យ Wonyoung ឈ្នះក្ដីនេះ ដោយ Youtuber "Sojang" ត្រូវសងជំងឺចិត្តទៅ Wonyoung ចំនួន១០០លានវ៉ុន (ស្មើនឹង៧៥០០០ដុល្លារ) នេះបើយោងតាម Law Times បានបញ្ជាក់។

Sojang ធ្លាប់មាន Channel Youtube ឈ្មោះ "Taldeok Camp" ដែលជារឿយៗបាននិយាយបង្កាច់បង្ខូចកេរ្តិ៍ឈ្មោះរបស់តារាចម្រៀង KPOP ដទៃ តែក៏វាយប្រហារលើ Wonyoung សឹងតែខ្លាំងជាងគេ ហើយថែមទាំងបានជួលអ្នកផ្សេងឲ្យចូលទៅបញ្ចេញមតិអាក្រក់ៗទៅលើនាងផងដែរ៕  

ប្រភព៖: nme

• រូបភាព
• តារាកូរ៉េ