ថតដាក់ទស្សនាវដ្ដីទេ តែ Jisoo ស្អាតដូចទេពធីតា ហ្វេនមើលឡើងភ្លឹក

កូរ៉េខាងត្បូង៖ Jisoo មិនត្រឹមតែជាតារាចម្រៀងដ៏មានឥទ្ធិពលម្នាក់ ក្នុងវិស័យ KPOP ទេតែនាងក៏ល្បីថាមានសម្រស់ស្រស់ស្អាតខ្លាំង មិនថាមើលពីជ្រុងណាក៏ស្អាតឥតទាស់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីពេលថ្មីៗទៅនេះ ស្របពេលផលិតកម្ម YG Entertainment បានប្រកាសថា Jisoo ពុំបានបន្តកុងត្រាថ្មីលើផ្នែកសកម្មភាពទោលរបស់នាងនោះ នេះជាលើកដំបូងហើយដែលនាងបានមកថតរូបដាក់គ្របទស្សនាវដ្ដី Dazed Korea ផងដែរ។

ក្នុងរូបភាពប៉ុន្មានសន្លឹកដែលបានចែកចាយលើគេហទំព័ររបស់ទស្សនាវដ្ដីគឺ សមាជិក BLACKPINK រូបនេះពិតជាស្រស់ស្អាតរហូតអ្នកគាំទ្រសឹងតែមិនជឿថា Jisoo ស្អាតដល់ម្លឹង ដោយស្ទាយ៍នៃការថតគឺរបៀបពណ៌ស្រទន់ៗ សមជាមួយនឹងនាង។

ក្នុងរូបភាពទាំងនេះ Jisoo បានស្លៀករ៉ូបពណ៌ទឹកដោះគោ ផាត់មុខបែបទឹកក្រូចៗ និងធ្វើសក់គាបត្រង់ទម្លាក់រំសាយពេញខ្នង ដោយខាងមុខពុះជាពីរស្មើគ្នាផងដែរ ដែលជាការបង្ហាញមួយពីបុគ្គលិកលក្ខណៈរបស់នាងគឺ ស្រស់ស្អាតបែបទន់ភ្លន់ ស្រគត់ស្រគុំ និងមើលទៅមានភាពវិជ្ជមាន៕

ប្រភព៖: designscene

• រូបភាព
• តារាកូរ៉េ