យប់មិញ Jennie ទៅមើលខនសឺតរបស់ Woodz តែងខ្លួនឡើង Swag

កូរ៉េខាងត្បូង៖ ពិតប្រាកដណាស់ អ្នកគាំទ្រវិស័យ KPOP ណាក៏ស្គាល់ Jennie ដែលជាសមាជិកម្នាក់របស់ក្រុមចម្រៀងនារីល្បីឈ្មោះ BLACKPINK ដែរ ដោយសារតែនាងមានភាពលេចធ្លោខ្លាំង មិនថាពេលសម្ដែងនៅលើឆាក ឬនៅក្រោយឆាក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ បន្ទាប់ពីសម្រេចមិនបន្តកុងត្រាថ្មីលើសកម្មភាពទោលជាមួយ YG Entertainment រួចមក គេមើលឃើញថា Jennie ដែលជាអ្នកបង្កើតផលិតកម្ម ODDATELIER ពិតជាមានភាពសប្បាយរីករាយនិងស្រស់ស្រាយ នៅពេលនាងបានចូលរួមកម្មវិធីនានា។

ជាក់ស្ដែង កាលពីយប់ថ្ងៃទី១៩ខែមករាកន្លងទៅនេះ Jennie បានបង្ហាញមុខនៅក្នុងការប្រគុំតន្ត្រី "OO-LI" របស់ WOODZ ដែលជាតារាចម្រៀង KPOP ទោល។

ក្នុងវីដេអូដែលអ្នកគាំទ្របានថតនោះ Jennie បានរាំមួយអស់ដៃ និងពិតជាមើលទៅសប្បាយរីករាយខ្លាំងមែនទែន ខណៈដែលនាងបានស្លៀកពាក់អាវស្បែក គូជាមួយមួកពណ៌ដូចគ្នា ដែលជាពិសេសនោះគឺវ៉ែនតាឡូយបែបយុវវ័យទៀតផង។

គួរបញ្ជាក់ផងដែរថា Jennie ជាមិត្តរបស់ Woodz ជាយូរណាស់មកហើយ ដោយអ្នកទាំងពីរធ្លាប់ហាត់ការក្រោមផលិតកម្មតែមួយគឺ YG Entertainment ៕  

BLACKPINK's Jennie at Woodz concert today. pic.twitter.com/IOrLJU5FNY

— About Music (@AboutMusicYT) January 19, 2024

• រូបភាព
• តារាកូរ៉េ