ជាបទចម្រៀងទេតែ Teaser បទ "Love Wins All" របស់ IU ជាមួយ V ឡើងដូច Trailer រឿងភាគ

កូរ៉េខាងត្បូង៖ IU ដែលជាតារាចម្រៀងទោលដែលមានទឹកដមសំនៀងពីរោះ និងចរិតរួសរាយរាក់ទាក់គួរឲ្យស្រលាញ់ នឹងចេញមកអង្រួនបេះដូងអ្នកគាំទ្រម្ដងទៀត ក្នុងអាល់ប៊ុមថ្មី នៅក្នុងឆ្នាំ២០២៤នេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះ បទចម្រៀងមានចំណងជើងថា "Love Wins All" ដែលជាបទចេញមុនពេលអាល់ប៊ុមបើកបង្ហាញជាផ្លូវការ គឺជាបទដែលមានការចូលរួមសហការជាមួយ V មកពីក្រុម BTS ផងដែរ ដែលបទនេះនឹងត្រៀមចេញ​​នាថ្ងៃទី ២៤ ខែមករាខាងមុខ។

ដោយឡែក បទចម្រៀងលើកនេះរបស់់ IU និង V ពិតជាមើលទៅគួរឲ្យចាប់អារម្មណ៍ណាស់ បន្ទាប់ពីបានឃើញរូបភាពដូចជាខិត្តប័ណ្ណ ថ្មីសម្រាប់បទនេះ ដែលដូចជាខ្សែរឿងមួយ។ ក្នុងនោះគេឃើញ IU និង V ហាក់ដូចជាកំពុងរត់គេចពីអ្វីម្យ៉ាងអ៊ីចឹង។

ភ្លាមៗបន្ទាប់ពីរូបភាពទាំងនេះត្រូវបានទម្លាក់ អ្នកគាំទ្របាននាំគ្នាសរសើរនឹងភាពពូកែស្វែងរកខនសិបប្លែកៗរបស់ពួកគេ ហើយគិតថា V ពិតជាពូកែសម្ដែងខ្លាំងណាស់ គឺដូចតួកុនពិតៗ៕  

ប្រភព៖: allkpop

• រូបភាព
• តារាកូរ៉េ